中電「電子學習支援計劃」 助基層學生迎新學年

香港有唔少弱勢社群需要大家關心，公關姊妹同黛安講，中華電力推出「電子學習支援計劃」，向超過1,500名來自基層家庭嘅小學、中學和大專學生送贈全新電子學習器材，包括平板電腦（iPad）或手提電腦、流動無綫Wi-Fi分享器及上網數據卡等，支援佢哋上網課及其他電子學習嘅需要，並為同學仔迎接新學年打氣。

計劃獲得九龍地域校長聯會、新界校長會及港專學院嘅支持，將電子學習器材送畀有需要嘅學生。中電義工早前更舉辦STEM活動日，中華電力企業發展總裁莊偉茵、中華電力資訊科技高級總監貝柏安等，都一同出席，與受惠學生即時體驗使用新嘅平板電腦，又學習操作無人機，並遊覽全港唯一以能源為主題嘅中電E-Playground，了解有關電力及節能嘅知識。受惠學生嘅家長Kaur Sukhvir就話，小朋友收到獲贈嘅平板電腦好開心，除咗上網課變得順暢方便，仲可以喺課餘用新電腦學習新知識㖭。