戶戶送夥海塑基金會 護港珍貴濕地

保護環境人人有責。黛安聽公關姊妹講，戶戶送將與海塑基金會（A Plastic Ocean Foundation）合作，透過清潔海灘及種植竹樹等活動，保護本港珍貴濕地，使下白泥免受塑膠廢料及其他土地污染。姊妹話，海塑基金會一向致力減低塑膠廢料對海洋嘅污染，仲會透過海洋復育，減低人頖活動對海洋造成嘅影響。為響應基金會嘅「壹噸淨灘行動」，戶戶送由今個月至2023年底，將舉行連串的海灘清潔行動。

逾250名戶戶送員工、外送專員及其家屬都會參與「壹噸淨灘行動」，期望喺2023年收集最少1噸海洋垃圾。戶戶送香港區總經理許志賢話︰「戶戶送一直致力推動可持續發展，希望透過與海塑基金會嘅合作，提升大眾對呢種新興環保概念嘅認識，為長遠嘅可持續發展打好基礎。」

戶戶送外送專員徐先生就帶埋太太同仔仔參加今次活動，佢話活動好有意義，一家三口都學咗好多知識，尤其係環保嘅重要性。「能夠以呢種方式回饋大自然，我感到十分滿足。」