《金枝慾孽》18周年︳如妃鄧萃雯孖皇后陳秀珠玩直播 爆當年爭頭飾嗌交戲動真火

由鄧萃雯、陳秀珠、佘詩曼、黎姿、林保怡及陳豪等合演，戚其義監製的劇集《金枝慾孽》，於2004年播出時掀起熱話，鄧萃雯憑此劇獲得實力非凡女藝員獎，林保怡同黎姿榮升視帝視后。今年是《金枝慾孽》播映18周年日子，「如妃」鄧萃雯在微開直播跟粉絲互動，並請來「皇后」陳秀珠連線訴說點滴，大爆當年一些拍攝趣事。

{{hket:inline-image name="08242002.jpg"}}{{/hket:inline-image}}

{{hket:inline-image name="08242001.jpg"}}{{/hket:inline-image}}

同場加映：痞子殿下｜周嘉洛朱敏瀚男扮女拍檔嗌難頂 楊證樺自薦演黑猩猩獲讚敬業

{{hket:ul-video id="6397"}}{{/hket:ul-video}}

鄧萃雯在《金枝慾孽》內飾演如妃，同「皇后」陳秀珠在後宮鬥過你死我活。現實中二人很老友，這次鄧萃雯在微博上直播，亦找來對方連線互動。鄧萃雯說：「不要誤會我哋演戲時係死對頭，我哋係好朋友，會出嚟睇戲，食飯，傾偈…一場戲好睇，真係唔係靠一個人演得好，對手亦好重要，要氣場互相壓得住，如妃娘娘冇人能夠壓得住，只有皇后娘娘壓得住！」

鄧萃雯長期北上發展返港大感慨 屋企附近西貢海景被地產商霸佔【下一頁】

鄧萃雯爆料話當年，原本她的角色，擁有最靚最閃最高貴的頭飾，可是「皇后」陳秀珠的出現，情況有點不同了。陳秀珠笑說：「其實我哋係鬥㗎！我見如妃娘娘嘅頭飾咁鬼靚就唔得，你今日紅色，我就要更加搶眼嘅顏色，紫色靚啲，仲要金光閃閃。我哋唔止鬥演技，仲鬥埋頭飾。」鄧萃雯話：「我頭飾本來係最靚，後來睇到梳頭製作嘅同事，有幾款（飾物）更厲害嘅，我喺旁邊睇到就好妒忌，問佢哋幫邊個整，佢哋話幫皇后娘娘整，但佢嫌太重唔太鍾意，咁我就話畀我用啦…記唔記得有日我行過嚟搶你啲頭飾，你仲話『我戴呀！咩唔戴呀』，我話你唔戴我就戴！」陳秀珠戲言「當時唔戴都唔畀你戴」，鄧萃雯指「皇后娘娘全部都要」，真的不留給她用。

大蚊與細蚊︳鄧萃雯萬綺雯27年友情有增無減 「從青葱歲月一直延續至今」【下一頁】

如妃同皇后是宿敵，自不然有不少對罵場面，陳秀珠爆鄧萃雯拍攝時眼神兇狠，「有時拍嗌交啲戲，我哋係嚟真嘅，你啲眼神好兇狠！」鄧萃雯解釋當中因由：「之前監製、導演冇講我點解咁驚你，後來話畀我聽，原來第一個孩子係畀你害死，我心入面仇恨大咗幾咁多？跟住見面好似仇世咁樣，再慢慢發現宮中只有我可以對付你，我係好大使命。我哋嘅情節最好睇，宮中冇人夠膽逆你意，所有同你對撞嘅戲好似幫人出咗一口氣，自己睇番呢啲戲時都有拍手。」

（↓點擊放大睇圖片↓）

鄧萃雯分析指，皇后是一個可憐人，皇上其實並不愛她，而她要不斷鬥走所有妃嬪…她們源源不絕入宮，鬥走後仍有下一批出現。陳秀珠表示：「我知佢哋全部都有心計，我係幫皇上，鍾意皇上，佢哋個個有企圖，我係負責幫皇上把關，分析所有嘢，但可惜好多時係如妃從中搞鬼。」

提到曾在故宮拍攝，鄧萃雯有感而發說：「係感受好深，當企入真正紫禁城入面時，滄桑、孤獨、距離感同無助感覺一湧而來，你就感受到自己唔知喺度等咩，等皇上嚟但又唔知佢嚟唔嚟，一路等啲人嚟同你做朋友，總之等嘅感覺就係好凄涼，呢個係我去故宮拍外景嘅最大感受。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】