鄧萃雯讚嘆九寨溝乃「人間仙境」 「以後可以不用去日本或加拿大」

現年55歲嘅「視后」鄧萃雯近年好少喺香港嘅熒光幕出現，重心轉移內地發展。除咗工作之外，雯女都不忘抽空去relax一下遊山玩水。近日，佢就表示自己完成咗人生其中一個心願──去四川省北部的風景名勝區「九寨溝」旅行。雯女大讚九寨溝，引起網友熱烈討論。

同場加映：曾志偉望無綫成為有人情味機構 「希望係不捨而唔係帶住怨氣走」

{{hket:ul-video id="4582"}}{{/hket:ul-video}}

中國「九寨溝」係聞名海內外嘅旅遊勝地，湖水中蘊藏枯木同其他物質，再加上環繞着各式各樣嘅林木；倒影喺湖水上時而形成不同顏色，巍峨高山配上清透水質，可以話係風光如畫。不過2017年因為當地發生地震，多個景區受損毀而暫停開放後，經過4年修復後，今年9月份重開，吸引雯女前往觀光。

{{hket:inline-image name="e998f42797657d4a65dc11d1953b8b60.jpg"}}{{/hket:inline-image}}

當日雯文身穿休閒便服，戴畫家帽嘅佢笑容滿面於景區擺pose，對當地的建設質管理讚不絕口，喺微博留言：「恍如置身人間仙境的九寨溝，絕對沒令我失望，周邊的建設亦超出我心中想像且管理得相當好，以後可以不用去日本輕井澤或加拿大聖路易斯湖了，因為春暖花開、紅葉片片和白雪茫茫的九寨溝，我都希望能盡入眼簾。」

唔少內地網民讚同，更指他們的祖國河山美景多的是，建議佢去多啲唔同地方觀光。不過都有網民唔認同佢嘅講法，指即使九寨溝風光如畫，都唔代表唔使再日本輕井澤、加拿大聖路易斯湖，根本係三種風景，各有各美態。又有人話除咗景靚，身邊環境都好緊要，留言：「輕井澤入場就免費，九寨溝收你貴一貴，仲要好多噪音」、「九寨溝去過一次，景的確係世界級但勁多人同個個亂掉垃圾同影相唔排隊」。

圖片來源：微博