滿足的味道｜添哥種米不為錢收成全贈老人院 初嚐黎諾懿自家製煲仔飯大感滿足

無綫飲食節目《滿足的味道》由黎諾懿主持，今周三集帶領觀眾走訪各區為人熟悉的老字號及傳統美食，包括煲仔飯、燒賣及即食麵。節目於上周一起開始播放，TVB公布節目最高收視達17.4點（113萬觀眾），是近半年該時段取得理想收視的節目。

同場加映：痞子殿下｜周嘉洛朱敏瀚男扮女拍檔嗌難頂 楊證樺自薦演黑猩猩獲讚敬業

{{hket:ul-video id="6397"}}{{/hket:ul-video}}

為求實況呈現香港傳統美食製作過程，製作組可謂費盡心思與時間。昨晚（22日）播出的第4集主題為「煲仔飯」，為了從培苗講起，製作組於元朗錦田農地Set機，花了4個月時間24小時捕捉稻米成長過程，諾懿對此亦嘖嘖稱奇：「通常外國紀錄片先有咁嘅時間去拍，但香港電視史上算少有，因為我哋想畀啲觀眾睇吓農夫有幾辛苦。」

談及於水稻田體驗插秧，一開始在烈日下工作的頭15至20分鐘，反覆踎低起身已令諾懿頭暈兼皮膚灼痛，不過仍不及被蠓咬難忘，他笑道：「我一踩落水就成隻腳黑晒，全部都係蠓嚟，咬到隻腳一嚿嚿，冇一撻地方係好㗎，而家諗番都唔想落田呀！」

{{hket:inline-image name="452.png"}}{{/hket:inline-image}}

節目中亦訪問到稻田的負責人添哥，原來他未曾吃過自己種的米，種米是為了享受過程：「種完畀晒石仔嶺老人院，佢哋個個食完都話好正。老人院係好慘，有人話我傻，老人院會賺錢，我話唔賺錢你老竇開咩？你捨唔捨得買咁嘅菜畀老人家食？所以好多人話我傻。」

{{hket:inline-image name="l11.png"}}{{/hket:inline-image}}

因添哥未曾吃過自己種的米，黎諾懿因而想煮煲仔飯畀添哥食：「好想添哥食到佢自己種嘅米。」之後添哥嚐過煲仔飯大讚好滿足，好鍾意米香：「我食嘢係好寸，唔好食嘅係唔會食，一定好滿足，但我講到明呢啲米係最後一次食，收成返嚟同其他人分享，有剩畀石仔嶺老人院。」而黎諾懿見到添哥食得咁滿足，自己都好開心。

節目還邀來資深師傅公開煮煲仔飯秘技，其中一位是88歲的許伯，他在30歲之前是賣麵包的，後來為生計轉賣煲仔飯。許伯家有6個子女，當中兩個兒子就跟爸爸在廚房工作，女兒就負責樓面。許伯十分著重家庭觀念，店舖在星期日休息，「畀佢哋去做親子活動，啲小朋友唔使咁孤獨。」

而今晚（23 日）一集除了介紹地道的魚肉及豬肉燒賣，還會介紹滬式糯米燒賣，及以天然食材打造的新派「彩色燒賣」。外形又綠又橙的彩色燒賣「打卡」一流，諾懿亦大讚謂：「味道好傳統，我諗囝囝都會鍾意。」然而即使廿蚊有找的一籠燒賣，背後製作過程卻一啲都唔簡單，西環某老字號老闆便是每日凌晨3點就要開始做點心，諾懿食後大讚抵食：「啲肉食落一粒粒，肉味非常香，油份、冬菇同蝦都配合得好好。」諾懿另外又到另一食店跟師傅學包燒賣，獲師傅大讚有板有眼。

{{hket:inline-image name="5215202.png"}}{{/hket:inline-image}}

明晚（24 日）播出的最後一集，將大談香港人如何把「即食麵」變化出多種食法，好似沙嗲牛肉麵、卡邦尼麵、腐乳雞球撈麵等，更邀得為《滿》創作主題音樂、曾榮獲第 36屆香港電影金像獎「最佳原創電影音樂」的日籍音樂人波多野裕介（Yusuke Hatano）一起品嚐其妻至愛的「蔥油雞扒撈丁」；「鼎爺」李家鼎亦會再次現身，向大家推介兩道美味的麻辣撈麵。

{{hket:inline-image name="16.png"}}{{/hket:inline-image}}