李日昇憶當年因失戀踏上「不歸路」 奉勸健身前要三思：不可一不可再

現年30歲、童星出身的李日昇轉做健身教練已有4年時間，繼早前自爆4年內「嚇走」好多學生後，最近他又撰長文，以自身經歷奉勸各位有意練大隻的朋友要三思，形容健身是「不歸路」，「健身呢壇嘢，真係不可一不可再！」

{{hket:inline-image name="li.png"}}{{/hket:inline-image}}

同場加映：痞子殿下丨陳瀅彈JW最大缺點係忍唔到笑 難忘拍劇捱眼瞓 攬埋一齊喊

{{hket:ul-video id="6388"}}{{/hket:ul-video}}

李日昇指健身令自己「上癮」，自稱「癮君子」。他指當初因失戀之後才開始健身，「諗返起如果當年嗰個文弱書生失戀之後，冇踏上呢條不歸路，會變到點？」

他指踏上健身這條「不歸路」後，成日周身肌肉酸痛，「平日工作已經夠攰，但日日都唔操唔安樂，周身肌肉酸痛，應承咗自己停吓唔再掂，最後都忍唔住拎起個啞鈴，根本就戒唔甩。」但開始了健身後令他的性格更正面：「著衫越來越少布，之後仲索性唔著，個人仲越嚟越有自信，越嚟越樂觀，一遇到困境就要去gym操嘢上電，正面到成個黐線佬咁。」他更想令身邊的人一齊健身，認為「健身改變命運。」

{{hket:inline-image name="283068622_1832381780430397_1116864373150458004_n.jpg"}}{{/hket:inline-image}}

至於日常生活方面，李日昇亦直言有所改變：「一有重嘢搬就不自覺咁衝出去搬，一來內心根本壓抑唔住啲男子氣概，二來就係如果呢啲時候唔岀力，好似愧對咗咁多隻為你提供蛋白質嘅雞嘅生命，內心好掙扎；社交方面，朋友耐冇見，一見又會篤吓你個胸，又叫你谷，大佬呀谷谷谷谷乜鬼，可唔可以唔好剩係睇個胸，欣賞吓我其他方面，人體的肌肉有成六百幾條㗎。」

他表示有時會因為太大隻而引起「誤會」：「有時拎起個電話撳，隔籬嗰個又會好躁咁叫你『唔好再谷隻手臂喇，叻喇叻喇』，仲有一啲失控行為，例如行過所有反光嘅物體都不自覺咁樣沉醉喺自己嘅身形嘅影像入面，影響專注力，明明冇汗都要拿高件衫抹汗，就算呼吸困難都要著細一個碼撐爆件衫等等。」

李日昇奉勸各位有意練大隻的朋友要「三思」：「所以我奉勸各位開始操嘢之前諗清楚，如果唔想為生活帶嚟呢啲不便，就請三思而後行，健身呢壇嘢，真係不可一不可再！」不少網友都指他其實就是曲線曬健身的好處！

健身教練｜李日昇自爆4年內嚇走好多學生 要求定期剪髮剪指甲冇異味…【下一頁】

撰文︰娛樂組