希慎gLEEful rooftop計劃 童趣概念活化利園區8天台

天台可以話係香港嘅特色，成為唔少電影嘅取景地。公關姊妹同黛安講，希慎集團開展咗全新gLEEful rooftop計劃，同本地著名設計團隊One Bite Design Studio合作，耗時8個月活化咗銅鑼灣利園區內8個天台，嚟緊仲有連串活動等住大家參加，令人期待！今次設計團隊以「童趣」為題，希望透過大家兒時最熟悉嘅小遊戲，包括跳飛機、一二三紅綠燈、畫鬼腳、狐狸先生幾多點等等，喚起利園區居民注意，引起共鳴。建築師張國麟（Alan）話，希望透過計劃建立人與人之間，和人與社區間嘅互動關係，增加大家對社區嘅歸屬感。

姊妹話，希慎今個月起會舉辦一系列活動，例如音樂會、唔同類型嘅運動健身體驗班、身心靈淨化冥想、文化藝術和社區攝影等，讓大眾參與其中。