范姜二女成年派對外形熟過阿媽 鍾鎮濤甫18歲舊照與鍾懿似餅印

69歲嘅鍾鎮濤（阿B）1997年與前妻章小蕙離婚，兩人育有兒子鍾嘉浚同女兒鍾嘉晴，鍾鎮濤再婚與女友范姜再組家庭後，再誕兩女，極為寵愛二女鍾懿嘅阿B不時都帶埋囡囡出席活動，唔經唔覺鍾懿都已經18歲，日前父母為佢大搞生日派對，成年嘅佢同阿媽似足兩姊妹，非常成熟。

同場加映：趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

鍾鎮濤Post出多張party嘅相，有感而發：「現在踏入人生的另一階段，在國外沒有爸媽在身邊，要好好照顧自己，乖乖小鍾懿，爸爸的最大心願，就是看着你健康快樂的成長，掛念，生日快樂！」而范姜都發相同留言，盡顯二人疼愛女兒之情。

{{hket:inline-image name="296964581_749549449625951_9044236069395448439_n.jpg"}}{{/hket:inline-image}}

夫妻倆為咗令囡囡有個開心嘅回憶，除咗請阿女嘅朋友，仲請咗好多睇住佢大嘅長輩，非常熱鬧；另外佢哋更請嚟Live Band，現場以汽球布置，party有睇頭之餘又夠晒少女心，真係廿四孝父母！阿B又post出佢自己年輕時嘅舊照，同現時嘅鍾懿好似係倒模一樣，基因非常強大呀！

曾一度宣布破產嘅鍾鎮濤，有女友范姜離不棄嘅陪伴下終於喺2006年破產期屆滿後回歸正常生活，兩人育有2名女兒，2014年兩人於峇里島舉行婚禮，人生從低谷翻身。