OK便利店領消費券 送$20現金券

今個星期日（7日）起，大家就會收到新一期嘅電子消費券，黛安收到風，本月7日至13日期間，首次喺OK便利店以八達通成功領取第2階段首期$2000消費券，可額外獲贈4張$5、總值$20嘅OK現金券！現金券可於今年9月6日前使用，只要淨消費滿$20時就可以用得喇。

另外，OK STAMP IT會員更可享獨家禮品卡優惠，只要喺本月7至9日期間購買指定禮品卡，包括App Store & iTunes、Google Play及Steam滿$1,000或以上，即送$30嘅OK便利店現金券。買禮品卡都接受消費券付款，會員領取消費券後，同時可享買禮品卡嘅優惠，變相可獲雙重優惠，得到高達$50現金券。黛安知道，禮品卡優惠名額只限頭3,000位，數量有限，送完即止，各位要買就快手喇。