張沅薇做單親媽媽壓力大狂飲啤酒 曾暴肥至140磅：條褲碼數去到42

90年代兒童節目主持張沅薇（Amy）去年擔任《童你一起長大了》嘉賓，今年正式宣布復出，除了拍片做YouTuber教煮食外，最近亦做了網上平台健康節目主持。日前她接受《開訪》訪問，訴說自己復出的經歷，又自爆曾因飲啤酒暴肥至140磅！

{{hket:inline-image name="296907156_168055445783728_7936685836509102927_n.jpg"}}{{/hket:inline-image}}

同場加映：《FRENEMY》演唱會｜ 張天賦洪嘉豪組「賦豪CP」是敵是友 相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

在訪問中，Amy提到自己復出後有多個計劃，「嚟緊Amy廚房每集都會有個主題，教大家點樣去慳錢慳時間，做一個精明婦人！我先前仲有客串ViuTV電視劇，今年年尾會出街！」

{{hket:inline-image name="5434.jpeg"}}{{/hket:inline-image}}

Amy又自爆在復出前兩年，曾因工作壓力大，狂飲啤酒暴肥至140磅，「屋企個雪櫃長期都有好多啤酒，晚晚一個人就去飲酒，真係越嚟越肥，條褲碼數去到42，自己都驚驚地。身體開始出現警號，行快兩步會氣喘，同埋血壓開始有啲高，為咗健康著想，減咗幾十磅！而家我屋企個雪櫃冇酒㗎，戒晒！」

雖然已淡出娛樂圈多年，不過Amy仍十分留意娛樂圈，更自認是鏡粉（MIRROR 粉絲）和姜糖（姜濤粉絲），「我姜糖嚟㗎，唔好笑呀，我啲仔成日都笑我姜咩糖，我話人哋真係好努力，因為而家娛樂圈其實同以前唔同啦，你見到嗰12個男仔，年紀輕輕真係好努力，為咗夢想去拼搏，唔驚嘥自己時間，冇得瞓亦都唔驚；我哋以前拍嘢都係咁，見到佢哋而家，覺得返番去以前後生嘅年代，覺得好開心！」

而早前Amy在IG曬與譚玉瑛、黃智賢及黎芷珊聚會的合照，勾起不少網友的集體回憶。四人早於九十年代合作主持《閃電傳真機》，分別有不少經典造型，如譚玉瑛的「烏卒卒」、張沅薇的「四眼鼠」、黎芷珊的「殭屍孫女」及黃智賢的「怪爸爸」。

復出頭炮｜49歲張沅薇進軍KOL界教下廚 凍齡女神預告披露養生之道【下一頁】

撰文：娛樂組