麥當勞App增八達通網上付款功能 支付更靈活

黛安每星期都會用麥當勞App嘅優惠買嘢食，剛收到姊妹報料，即日起麥當勞App增設八達通網上付款功能，大家只要升級麥當勞App至最新版本，以後就可以輕鬆一嘟完成點餐及付款喇！另外，適逢第二階段消費券喺8月7日開始派發，用八達通卡領取消費券嘅顧客，更要留意麥當勞App聯同八達通合作推出嘅連串優惠呀。

香港麥當勞行政總裁黎韋詩同黛安分享，佢話香港麥當勞一直積極推動OMO（Online-Merge-Offline）綫上至綫下融合模式，務求令更多顧客可享受方便快捷嘅新世代用餐體驗。而八達通多年來一直係麥當勞顧客最常用嘅支付工具之一，今次合作將八達通付款方式擴展至麥當勞App，可提供更全面及靈活嘅付款方式。