星光路上｜杜大偉曾邀陳妙瑛客串《愛回家》 爆好友心郁想復出但有咩考量？

人稱「David哥哥」、現年45歲的杜大偉，效力無綫25年間歷盡高低，近日他接受無綫娛樂新聞台《星光路上》主持人潘盈慧訪問，訴說入行多年辛酸。早在1997年加入藝員訓練班的杜大偉，起初一心打算做幕後，惟電視台平面設計訓練班競爭太大，才誤打誤撞轉讀藝訓班，結果受導師黃霑、羅冠蘭、詹瑞文等薰陶，對演戲越來越感興趣。

{{hket:inline-image name="2.jpg"}}{{/hket:inline-image}}

同場加映：首個紅館演唱會丨MIRROR化身全白紳士空降紅館 挑戰高難度半天吊好牙煙

{{hket:ul-video id="6222"}}{{/hket:ul-video}}

在2001年，杜大偉與林峯、黃宗澤、楊怡及葉璇等，組成「九男女」，公司力捧，隨即夥拍當紅花旦陳妙瑛、向海嵐拍攝經典劇《無頭東宮》，亦因此跟陳妙瑛結緣成為好友。提到自《無頭東宮》後棄影從商的陳妙瑛，杜大偉大爆對方其實心郁郁想復出，「之前叫佢嚟《愛．回家之開心速遞》客串兩、三集，佢有少少心郁嘅，私下同我講過有啲監製都想佢出嚟玩吓，佢心大心細……想出嚟但又驚攰。」原來係怕拍劇時間太長，身體未必能夠負荷。

{{hket:inline-image name="1.jpg"}}{{/hket:inline-image}}

《無頭東宮》陳妙瑛杜大偉母子重逢回憶滿滿 急流勇退從商 48歲依然又靚又弗【下一頁】

在兒童組打滾了13年的杜大偉，做到「滑啞」決定跳出Comfort zone，方發覺一直養尊處優導致身形暴脹，令重返劇組的他遲遲沒有演出機會，好友古明華也睇唔過眼，杜大偉憶述謂：「佢問我想點呢？呢種身形……想搵你做猥瑣佬或者阿叔（角色），但個樣又未去到麻甩佬咁；想搵你做靚仔，但身形又唔係咁！」

「唔嗲唔吊」的杜大偉終於扚起心肝減肥，找回定位，一步一步來，終有監製留意，除了於劇集《心理追兇 Mind Hunter》、《福爾摩師奶》、《十八年後的終極告白》中甚有發揮外，近年還憑《愛‧回家》「關彼得」一角成功入屋！

圖片：大會提供

童時愛上你｜楊卓娜初入行拍劇壓力大患情緒病 唔抗拒拍喊戲：人有喜怒哀樂【下一頁】

撰文：娛樂組