在《愛回家之開心速遞》中飾演「接龍花生友劉德華Andy」的崔錦棠（Tony），近日接受香港電台《守下留情》的訪問，大談自己的成長故事和入行經過。Tony跟主持人梁禮勤是舊同事，大家都曾在有線電視的體育部共事。Tony笑言：「我同做開運動啲朋友，佢哋成日話同我影相，因為要證明畀仔女知佢識得我，可能夠衰衰格格，大家都鍾意睇啦！所以我哋《愛回家》入面三個花生友最受小學生歡迎。」
《愛回家》Andy同Elaine拍拖戀情一集限定 51歲崔錦棠運動員出身Keep住Young【下一頁】
崔錦棠接受劉偉恒、梁禮勤的訪問。(《守下留情》Facebook）
《愛回家》中，三位花生鄧永健、杜大偉和崔錦棠非常搞笑。（《愛回家之開心速遞》電視截圖)
Tony感激兩位拍檔教他很多演技上的學問。(崔錦棠IG）
大家記得Andy有幾多個阿嫲？冇錯，答案係3個，其中一個已經死咗！（《愛回家之開心速遞》電視截圖)
Tony表示自己一家七口在80呎加閣樓的屋企成長，後來在屋邨時通山跑，成為他當運動員的起點。「我細細個就好好動，懷疑係有亞氏保加症，我睇唔到書，一睇字就頭暈身㷫，好辛苦冇得醫！我細個個年代當然冇人知，只會覺得我係曳。」愛上長跑的Tony不愛靜下來，睇劇集《奔向太陽》學劉德華練跑，他笑言：「約埋朋友著住對白飯魚（白布鞋）跑山，當時好窮邊有錢買跑鞋？對鞋磨蝕得好嚴重，唯有用單車內軚膠去補鞋，做埋補鞋底專家！」畢業後他讀過廚師課程，後來為了繼續練跑參加比賽，放棄酒店廚師的高薪工作，先後在電影公司和航空公司做「跑腿」，後來加入有線電視擔任體育編輯及主持。Tony獲無綫邀請過檔，惟體育新聞不受重視，於是他轉做藝人拍劇。由《實習天使》的男護士，到《愛回家》的劉德華，慢慢吸引到觀眾的目光。
「我試過毛遂自薦演出《機場特警》，爭取每一次的演出機會。為養家要有收入，我都揸過Uber。做演員我乜嘢都唔識，好多謝《愛回家》拍檔杜大偉、鄧永健，始終我經驗少，得5年，佢哋教我點樣強化Andy呢個角色，冇諗過做個無咁正氣嘅角色都爆到出嚟，慢慢收入穩定好多。」
《愛回家》貪錢Andy扮影迷寫信畀Terry 崔錦棠曾代表香港出戰錦標賽【下一頁】
Tony是長跑好手。(崔錦棠IG）
從運動人到演員。（《愛回家之開心速遞》電視截圖)
小學生喜歡他們衰衰格格，對白夠抵死。（《愛回家之開心速遞》電視截圖)
Tony有運動員的性格，不屈不撓，對於任何事情都非常正能量。有網友留意到劇集中的他耳朵有缺陷，原來Tony都有不開心，「我一出世冇咗隻耳仔，畀同學仔笑，當年我堅持唔剪頭髮，遮住佢，點知校長話『邊個笑你，叫佢嚟校長室！』，咁當然冇用，一定會笑，後來我因為唔剪頭髮遭記過！」他續稱天生缺陷甚少得到女生的歡心，「工作上也會遇到阻礙，當時做體育直播，耳機一邊收聽香港直播廠，另一邊係現場導演，因為我一邊聽唔到，真係冇辦法，唯有將音量調較到最大聲，希望用左邊耳仔聽埋。」
他一直擔心耳朵的外貌影響拍劇工作，所以早期刻意留長頭髮去遮，直至《天命》時收到指令要剃頭，不得不向監製坦白，「我話剃頭唔係問題，不過我隻耳仔係咁樣，導演就話冇問題照去，係自己第一次坦蕩蕩見人。其實都幾難受呀，因為有時右邊影大頭好覺眼，我不時都見到網友留言，佢哋冇惡意，但個心難免唔舒服。」相信觀眾只是好奇，Tony大方解釋完之後，大家就明白不會追問，何況Andy的角色咁盞鬼有趣，大家一定會繼續支持呀！
在《愛回家》中，不時都有Andy的近鏡。（《愛回家之開心速遞》電視截圖)
觀眾們不時會留言問他耳朵的問題。（《愛回家之開心速遞》電視截圖)
接拍《天命》時，2018年，Tony正式以「真面目」示人。(崔錦棠FB）
有故事的人！(崔錦棠FB）
責任編輯：楊安莉