藝人韓馬利（Mary）8月中曾患上腦膜炎，跟死神搏鬥兩星期後終於順利康復出院，不過身體仲係好虛弱，近月都在家靜養，好在得老公杜燕歌悉心照顧，除了為她準備大量健康補品，又安排了益智遊戲和消閒活動，讓她加快康復速度和打發時間，有個好老公，Mary姐認真幸福呀！
相關新聞：老公杜燕歌心痛愛妻韓馬利似「公仔」盼望︰「希望佢可以同我嗌交﹑駁嘴」
韓馬利精神唔錯呀！（Facebook圖片）
為了令屋企熱鬧一些，夫婦日前仲相約一班好友到家裡開大閘蟹宴會，同時慶祝邵音音早前憑微電影《老奶奶與無名子》在美國格倫代爾國際電影（Glendale International Film Festival）首度封后。
身為「愛妻號」的杜燕歌，當然唔捨得太太辛苦，於是親自做大廚炮製美食，只見杜燕歌手起力落，切薑整調味料都好俐落，處理大閘蟹又快手，真係好勁！有個對自己咁好又煮得一手好美食嘅老公，相信唔少人亦覺得Mary姐令人羨慕。音音姐都在社交網大讚杜燕歌：「晚餐素材簡單。純樸、和諧。」今次是韓馬利病後首次露面，只見佢化了淡妝，望落相當精靈，似乎已經康復得七七八八。
成班朋友好開心呀！（Facebook圖片）
賀音音姐首度封影后。（Facebook圖片）
（Facebook圖片）
杜燕歌親自下廚功架十足。（Facebook圖片）
（Facebook圖片）
相關新聞：【腦膜炎後遺症】老公杜燕歌燉湯買益智遊戲助康復 韓馬利：「冇咗佢我都唔知點算」
自韓馬利患腦膜炎，杜燕歌一直陪伴在側，細心照顧，除了拍劇外，每日就是回家陪伴太太。為了讓韓馬利有心靈寄託，杜燕歌又特地買了幾盆花，等她每日可以照顧，在家不會太苦悶。另外，杜燕歌一日三餐都親手為太太煮飯和燉湯，讓她食得健康營養，又落重本買定人參﹑冬蟲夏草等名貴藥材給她補身，難怪Mary姐感動咁話：「我真是因禍得福了，謝謝你好老公！」
一齊玩砌圖等Mary姐可以活動腦袋。（Facebook圖片）
杜燕歌買植物讓老婆代為照顧，等佢有個寄託。（Facebook圖片）
撰文：羅慧怡