姚明與12歲女現身機場頓變小人國 姚沁蕾贏在起跑線6年後自選國籍

現年41歲嘅前NBA籃球員姚明係中國最具影響力的人物之一，同時都係世界最知名嘅華人運動員之一。除咗體育成就，2.29米嘅身高都係佢其中一個標誌。日前佢同囡囡姚沁蕾（Amy）現身機場，囡囡遺傳父母身形，父女一行出嚟就成為全場焦點。

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

近日，有網民於機場遇到姚明父女做新冠病毒檢測，更於社交平台Post出片段。見姚明比起做運動員嘅時候豐滿咗好多，一身黑色裝束現身；旁邊12歲嘅姚沁蕾就身穿黑色T恤同棕色褲，雖然二人嘅裝束都好低調，但喺人群入面一睇就睇到佢哋，非常突出。未成年嘅姚沁蕾明顯高過隨籬嘅工作人員好多，目測至少有1.8米，機場頓時變成小人國。

{{hket:inline-image name="1.jpeg"}}{{/hket:inline-image}}

姚明生於上海，為中國籃球運動員，曾為中國國家籃球隊隊員，曾效力於中國籃球職業聯賽（CBA）上海大鯊魚籃球俱樂部和美國國家籃球總會（NBA）侯斯頓火箭，外號「移動長城」（The Walking Great Wall）。

2016年4月4日，姚明與前NBA球星Shaquille O'Neal及Allen Iverson一同入選納史密夫籃球名人紀念堂，亦係首位入選及迄今唯一入選名人堂嘅亞洲球員。

姚明與同樣係籃球員嘅葉莉於2007年結婚，並於8月6日舉辦婚禮。 其女姚沁蕾就在2010年5月於美國侯斯頓出生，擁有美國國籍，在美國長大，為美國公民。曾有中國記者質疑姚沁蕾擁有美國籍，係咪姚明唔夠愛國，姚明表示雖然女兒而家係美國公民，但18歲嘅時候有權利選擇中國國籍，成爲中國公民，佢會將選擇權留畀囡囡。

圖片來源：微博