馬會主席陳南祿與霍啟剛比劍 勉勵青年追夢

馬會噚日為應屆獎學金學人舉行頒授典禮，馬會主席陳南祿聯同典禮主禮嘉賓立法會議員霍啟剛，一齊見證學生嘅喜悅，仲以自身經歷勉勵學生。黛安聽公關姊妹講，佢兩個喺頒獎台上仲進行劍擊比試，舞動大會特製嘅花劍，場面有趣，現場學生紛紛舉機拍攝，記錄呢個難得一見嘅畫面。

霍啟剛讚揚馬會多年來致力培育青年，又寄語學生要把握機會，將來貢獻社會。佢話疫情下唔少青年喺求職路上遇到困難，並引用習近平主席嘅說話勉勵學生︰「青年興，香港興；青年發展，則香港發展」，呼籲各界支持青年追尋夢想，喺科技、藝術、文化或體育等唔同領域，為青年提供平台發展，香港先可以有更多張家朗、何詩蓓、李慧詩咁樣嘅年輕人，喺世界各地大放異采。