書展免費玩扭蛋AR Game 送可愛熊貓造型禮物

最近疫情回升，好彩今年書展仍可順利舉行，黛安噚日率先入場參觀，見到各大參展商法寶盡出吸引讀者，非常推薦大家去行下。黛安行到hall 1A時，見到團結香港基金旗下「當代中國」展位，佢哋原來設咗有獎問答遊戲，展位以太空做主題，最特別係有兩隻大熊貓公仔，分別係太空人同嫦娥造型，好可愛，吸引唔少人打卡。

黛安like咗佢哋嘅社交媒體，仲同其他人一齊用電話鬥快答問題，問題都係同中國、香港有關，有難有易，每場冠軍可以贏走太空人造型熊貓公仔或環保袋，非常吸引。

除咗問答遊戲，like埋佢哋嘅fb專頁仲可以扭蛋，有機會獲得鎖匙扣、環保袋等禮物。如果註冊做「當代中國」網站會員更可以玩AR Game，喺太空捉星星，仲有得影相打卡，小朋友一定好鍾意。離開展位前，黛安仲攞咗兩本雜誌（右上圖），分別講中國文化同中國航天，仲有一份太空poster，有得玩又有禮物攞，黛安誠意推介，大家今年去書展千祈唔好錯過。