東港城The Dessert Museum 香港站設5大甜點打卡區

國際大熱嘅甜點主題夢幻打卡展覽「The Dessert Museum」，最近登陸東港城。黛安知道，展館除設有4個海外主題裝置，香港站更特設「情迷『彈』撻樂園」主題區，一個個蛋撻化身彈床，新奇又好玩。東港城更引入近年大熱嘅元宇宙虛擬世界概念，推出全港首個「元宇宙甜點藝術展覽」，玩家可透過應用程式「VEXMETA」，登入展覽欣賞唔同裝置及大玩互動遊戲，完成任務後有機會換領虛擬道具NFT，及$100東港城零售電子贈券！

此外，The Point會員憑指定積分及即日電子消費滿指定金額，即可換領限推30個嘅明星聯乘版「The Dessert Museum」香港站首次發行嘅NFT，及商場電子贈券組合，先到先得，換完即止。

公關姊妹仲話，商場更特設期間限定店，為各位準備多款注目度滿分嘅甜點，包括檸檬閃電泡芙、雜莓忌廉芝士馬卡龍、朱古力貝殼蛋糕、荔枝芝士蛋糕及榛子拿破崙等，大家可以跟摯愛同時享受視覺與味覺嘅盛宴。