馮盈盈突然低調由零開始讀金融 一洗「MK」味性情大變想轉行？

前港姐冠軍馮盈盈之前傳因為太過高調被無綫雪藏，已經有一年冇拍劇集，近來正式「解凍」但都只係得一個半個節目主持。愛情方面，同醫生男友分手後就跟鄭衍峰及方力申傳過緋聞，不過統統都未有承認。疑似事業愛情皆失意嘅佢走咗去「發展」學業，近日仲考獲咗專業資格，令到唔少人都估佢係咪想轉行！

同場加映：吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

馮盈盈去年工作量突然減少，盛傳被雪藏，近月正式「解凍」亦無阻佢進修決心，前日在社交平台「報喜」，公開CFA Institute（特許金融分析師協會）嘅電郵內容，表示佢已通過今年5月嘅CFA（特許金融分析師）Level 1考試。盈盈留言指今次成功「過關」係爸爸嘅生日禮物，因為爸爸一直鼓勵佢，又好似細個考公開試時咁樣親自揸車送佢去試場，並引述父親嘅說話：「當年你應考DSE我全程接送，今次你考CFA我也會一樣做，這次你會一樣合格的」，盈盈話今次考試嘅合格率只有38%，指自己本身係「金融文盲」都Pass到係一個「奇迹」。

{{hket:inline-image name="243216246_425277872274907_5353673200870864263_n.jpg"}}{{/hket:inline-image}}

2016年港姐冠軍馮盈盈係香港大學食物及營養學系畢業生，奪冠後加入娛樂圈，之後一直抽空進修，包括在網上攻讀心理學課程。唔少網民猜測佢係為了離開無綫而鋪路，計劃投身金融界，效法師姐麥明詩急流勇退。

CFA特許資格是全球認可的投資管理資格認證之一，要考取資格需通過三級考試，每級考試的學習時間超過300小時，通過三級考試以及有48個月相關工作經驗，就可取得CFA認證。雖然近十年來的每屆合格率不足一半，被視為最嚴格的考試，不過「回報」高，考取資格後即獲國際頂尖金融公司或投資銀行的「入場券」，CFA協會數據指具10年以上經驗的投資組合經理，平均年薪約為200萬港元至250萬港元。