馬會「小龍馬‧遊香港」展覽 賀回歸展中華文化

為咗紀念香港回歸25周年，同時啟發社區及年輕人嘅創作力，黛安知道，馬會打造咗一個「小龍馬‧遊香港」藝術展覽活動，由藝術家馬興文與本地學生共同創作，合共整咗43隻「小龍馬」藝術作品，即日起至7月10日率先喺大館對外展出，連同「與你並肩每一天」巡迴展及一系列互動遊戲，喺各區巡遊。「小龍馬」藝術展未來亦會喺香港唔同地標展出，如維港海濱東岸公園主題區、沙田大會堂廣場等。

「小龍馬」嘅創作靈感源自中國古代神獸「龍馬」，以現代手法展現中華文化，象徵希望。馬會仲會舉行「小龍馬‧創藝傳城比賽」，邀請更多學生參與創作「小龍馬」，入圍作品更有機會參與世界巡迴展，目的地包括北京、上海。