港鐵商場「夏日多重賞」 消費最多可賺$1,600回贈

炎炎夏日，去港鐵商場即可享受最「爽」嘅購物樂趣！黛安收到風，由6月30日至7月31日，港鐵旗下12個商場，例如德福廣場、青衣城、PopCorn、杏花新城、Citylink等，將攜手推出「夏日多重賞」，MTR Mobile登記用戶幫襯上述商場嘅時裝、童裝、皮鞋及手袋、運動用品等商戶，以電子貨幣單一消費滿$2,000，即可獲得合共$300電子優惠券；如果喺鐘錶、首飾、電器及電訊類別商戶以電子貨幣單一消費滿$5,000，更可獲$500電子優惠券。每位用戶最多可獲各份獎賞2次，最高可獲合共$1,600港鐵商場電子優惠券！

此外，將軍澳PopCorn今年開幕10周年，為答謝大家支持，7月起多個星期日都會召集一眾音樂人，喺場內舉行「周日Music騷」，以音樂同大眾狂歡；8月更會推出10周年限訂購物優惠及折扣禮遇，亦會推出結合設計與科技嘅藝術裝置、數碼互動遊戲及更多慶祝活動等與眾同樂，大家千祈唔好錯過呀。