情深深雨濛濛丨爾豪為毀容女友放棄做一線小生 花花公子變《特戰榮耀》剛陽武警

港台電視31即將播出內地劇《特戰榮耀》，故事講述出生軍人家庭的燕破岳（楊洋 飾），參軍後調派到武警支隊，雖然表現出色優秀，卻因為過於自我，忽略團體精神而被安排入「炊事班」（即係廣東話「做廚房」）；在各種經歷及磨練下，及時發現自己的不足，最終發揮軍人本質成為一名優秀的武警特戰隊員。

同場加映：區永權感恩司儀工作贏得信任認同 公開自閉兒經歷望鼓勵同路人

{{hket:ul-video id="6010"}}{{/hket:ul-video}}

除咗一眾主角楊洋、李一桐、蔣璐霞嘅表現非常搶鏡外，現年45歲嘅高鑫所扮演嘅配角、獵豹突擊隊大隊長「秦鋒」（後變成副支隊長），演出亦令觀眾眼前一亮。劇中，高鑫身居要位，但都不乏落場「荷槍實彈」。為咗將角色活生生呈現，高鑫明顯比之前清減，皮膚變得黝黑，差啲認唔出佢就係《情深深雨濛濛》溫文爾雅嘅公子「爾豪」呀！

{{hket:inline-image name="d1350999.jpg"}}{{/hket:inline-image}}

高鑫同趙薇、林心如、蘇有朋、古巨基合作拍攝瓊瑤劇《情深深雨濛濛》（2001年播放）而一炮而紅，飾演「陸爾豪」一角英俊帥氣，花花公子形象令不少女生甘心成為「爾粉」。眼見佢氣勢如虹，當上一線男星可以話係勢在必行，指日可待，不過呢個時候發生咗戲劇性嘅不幸事件，就係佢嘅心上人、同樣係演員嘅王一楠拍戲不慎墮馬受傷。

意外令王一楠鎖骨到下顎骨粉碎性骨折，最關鍵嘅係佢臉部先著地，造成嚴重毀容。為此高鑫推晒所有演出片約，只擔任配角，以便照顧心愛嘅人。男方喺佢身邊陪伴8個多月直到康復，之後兩人才正式交往。4年來不離不棄陪伴，令女方大為感動，好一幅「情深深雨濛濛」嘅畫面！兩人在2007年註冊結婚，育有一女。

「塞翁失馬，焉知非福」，高鑫失去咗演藝事業衝上一線嘅機會，另一方面抱得美人歸，換嚟一個幸福家庭。

撰文︰娛樂組