諸朋好友丨伍詠薇當年被屈吞首任老公遺產 「個個話我發大達發死人財」

無綫節目《諸朋好友》播出伍詠薇（伍姑娘）、陳山聰和陳敏之的一集，細談3人的誼兄弟姊妹之情。伍姑娘指結誼沒有儀式，笑指連金飯碗都沒有，陳敏之拿住手上的金鐲說：「我有，家姐（伍姑娘）送畀我。」陳山聰跟陳敏之說：「你都有隻金鐲，我連毛都冇條。」伍姑娘說：「佢（敏之）好意思喎，係佢逼我買，『家姐，呢個好靚！』跟住我咪買畀佢。」

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

{{hket:inline-image name="288600988_5296275593766821_3491399454399547305_n.jpg"}}{{/hket:inline-image}}

當年陳山聰因與何超雲拍拖而跟伍姑娘、陳敏之反面，一反就反了5年，但冰釋前嫌的一刻，原來情景十分尷尬，陳山聰說：「有一次去旅行，喺機場撞到，我哋坐唔同航班，但一齊去東京，好尷尬Say個Hi。到咗東京之後，我哋去咗箱根浸溫泉，佢哋留喺東京，我太太就話係咪應該去搵佢哋，有冇機會喺東京食餐飯？我有老練（伍姑娘老公練海棠）微訊，於是向佢提議不如一齊食飯，過咗一陣，我再睇吓微訊，佢（伍姑娘）覆我。」伍姑娘說：「其實嗰吓，我等咗好多年，我希望大家有個舒服嘅落台階，可能係畀我自己。」陳山聰表示當刻與伍姑娘重遇，已經立即相擁，延續契姐弟之情。

伍詠薇有量度 與夫Sweet足19年 曾婚後13日喪夫飽歷滄桑【下一頁】

伍姑娘談到自己入行時，20歲的她，認識了比她年長31年的首任丈夫翁江培，當時被指是戀父狂，伍姑娘指自己喜歡是憑感覺，「我鍾意呢個男人，同年齡冇關，而係溝通，佢同我亦師亦友。」兩人結婚後，伍姑娘直言希望為對方生小朋友，「點知喺深圳登台，有人話唔得喇，你老公已經去咗醫院，我打開門，第一個鏡頭係，幫緊佢心臟施壓，嗰時我好驚，跟住話佢唔得喇，跟住我幫佢除低戒指，合埋對眼，睇住佢離開，跟住我坐咗喺度，都唔識喊，跟住就係我人生第二頁嘅開始，我好感恩，翁生喺我生命中出現過，呢個男人喺我生命中係不可多得。」

伍詠薇重提老公練海棠被揭出軌 憶處理過程超冷靜：兩公婆閂埋門解決【下一頁】

{{hket:inline-image name="5_img_750_h_600.jpg"}}{{/hket:inline-image}}

伍姑娘與翁江培的婚姻只維持了13天，當時的她受盡外界對她的指指點點，「啲人話我剋夫，將佢哋對生活嘅不滿，趁機發洩喺我身上，我就承受晒佢哋所有負能量，嗰幾年，我就係咁樣過，冇做嘢，喺尖沙咀一間酒吧流連，半年，不斷飲酒麻醉自己，有個監製梁材遠，我好感激佢，佢喺亞視執我返去，畀我做女主角，等我好好生活，個個話我發大達，搵好多錢，發死人財。」主持崔建邦問她：「當時係咪所有嘢都唔畀你攞走？連最想Keep你老公嗰支筆都攞走埋?」伍姑娘說：「係，我丈夫（亡夫翁江培）係咁多兄弟姊妹中排行最細，哥哥、姐姐都會覺得『你一定係歛財，貪財』，我想攞佢經常用嘅筆留念，都收咗喇，何況金錢呢！律師話財產凍結晒，問有冇買車、買樓畀我，我講咗幾次冇，律師話『如果真係有，而你攞咗，係唔得㗎！』嗰吓眼淚就出嚟，好痛苦，我覺得被人委屈。」當時，她只能以工作麻醉自己，5年後，傳媒一支筆令她整個人生反過來，為自己成功平反。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】