陳敏之開YouTube Channel│伍詠薇談性事笑稱後悔冇搞陳山聰 自爆2017年開始暴瘦背後原因

近年不少藝人開設自己的YouTube頻道，透過拍片分享私下的生活日常，增加自主的曝光機會。陳敏之新開張的YouTube頻道，昨晚第一集邀請到「契姐」伍詠薇擔任嘉賓，兩人在家中一邊飲酒一邊大談性事，話題尺度之大，又爆笑又令人驚訝。在「快問快答」環節中，問到要「靚仔」還是「巨鵰」？敏之選靚仔，「醜樣點啃得落呀？同埋我好驚咁大，好驚囉！好痛呀大佬！」

伍姑娘則持相反意見，稱如果男方尺寸小的話，行房時，「你咪要扮叫囉，你慣啦咁多年都……我估你老公除外啦！好似穿插空氣咁，好似咬綿花糖咁，咬完就冇咗。男人搵女仔都係搵大胸……熄咗燈，玩大J！」

伍詠薇灼傷中指Po完相後急刪 多事六月：老虎蟹都一定扛得過【下一頁】

{{hket:inline-image name="NG3.jpg"}}{{/hket:inline-image}}

{{hket:inline-image name="ng2.jpg"}}{{/hket:inline-image}}

敏之與伍姑娘談到相識的過程，緣於2002年為無綫台慶打鼓而認識，當時前者遲到惹伍姑娘不滿，暗暗不爽，後來深入認識之後，才知道大家性格都是大癲大肺，非常投契，更與陳山聰一齊上契成為姊弟妹。關係維持足足19年，伍姑娘重提舊事：「山聰要扣六年，因為我哋嗌交呀！不過呢個仔會錫番佢多啲……哎吔，我成日心諗點解我未搞過陳山聰呀呢？（你覺得佢大定細呢？）大！佢同我講佢大，細佬講嘅嘢我就信，佢冇除過條褲畀我睇，放心！肯定（大）呀，有人唱番出嚟！（邊個？）佢結婚前嘅，啲對手呀！」

伍姑娘笑說︰「如果上契前同陳山聰發生關係，可唔可以再上契？」她自問自答：「我覺得我可以，人生嘅嘢，緣份可能要你歎過之後再做兄弟姊妹……都得呀！我唔會同自己屋企人亂倫咪得囉！（即係上完契就唔會？）上完玩仲興奮呀！」

真性情中女│伍詠薇素顏真空開直播講護膚 老公練海棠亂入提示唔好走光【下一頁】

節目尾聲，敏之追問伍姑娘暴瘦一事，後者解釋2017年在內地拍攝期間經歷好多苦頭，「逼到我走頭無路，只剩我同助手兩個攬住一齊喊，呢次係我一生人……入行以來受過最多嘅苦難，太受氣，同埋發生好多奇怪嘅事……自己唔係唔捱得。嗰次要入醫院吊鹽水，返香港睇完醫生，再去內地繼續拍攝都仲要被責罵，（劇組）要求我賠錢……當時仲有幾百場戲未拍，每日度日如年，一路跌磅，塊面都瘦到唔連戲，頭套都唔啱戴！」她透露回港後發現自己體重不足，只有48公斤。「點解唔做自己鍾意嘅事？唔好活喺人哋感覺入面，要活喺自己嘅感覺入面。」

伍姑娘直言年紀大，身材最佳狀態的時候是32C，現時32B，笑言：「我大而且長，而家變木瓜胸。」今集內容非常爆炸性，而下集預告中，兩人談到家人時展現感性一面，一邊講一邊喊。

陳山聰接受《晴報》電話訪問，對於慘被擺上枱，山聰稱：「佢兩條友仔嫌命長，家姐(契姐)不嬲都儍㗎啦，唔使理佢，不過幫到阿妹(陳敏之)宣傳由佢啦，陳敏之要請我食飯。」問及過往契姐可曾手多多，山聰斬釘截鐵道：「佢得個講字！」至於可怕契姐的大膽言論令太太Apple不悅，他笑言：「無！佢知家姐係玩，事實不用講太多！」談及被踢爆自稱天生異稟，山聰對此堅拒承認：「我從來都唔會讚自己，我乜都最屎嘅，做戲、唱歌，樣樣都屎！」他又有感而發道：「一生人得兩樣野叻，娶咗個好老婆Apple，生咗個Jaco仔！」山聰乘重申正等待敏之邀請上節目爆料，相信到時他會再為自己平反。

{{hket:inline-image name="NG6.jpg"}}{{/hket:inline-image}}

{{hket:inline-image name="NG7.jpg"}}{{/hket:inline-image}}

同場加映：不可愛教主│Anson Lo忙爆日睡4小時仍追Po 「衝刺期唔通請假去瞓覺咩？」

{{hket:ul-video id="3644"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：Steven
責任編輯：楊安莉