萬寧「藥劑師同你傾」 WhatsApp免費一對一健康諮詢

平時有病有痛唔知買咩藥好？萬寧可以幫到你！黛安聽公關姊妹講，萬寧剛推出咗免費藥劑師遙距健康諮詢服務，顧客可以喺周一至五上午10點至晚上7點，或周六上午10點至下午2點嘅時間內，透過WhatsApp同萬寧註冊藥劑師進行一對一綫上「藥物及用藥諮詢」，費用全免。

萬寧業務經理及總藥劑師趙國亮話，萬寧喺第5波疫情發揮咗社區藥房嘅作用，當值藥劑師可以為市民指導用藥問題，佢哋亦明白到社區對藥劑師服務有需求，所以加強服務，推出「萬寧藥劑師同你傾」WhatsApp免費諮詢服務。

顧客只要掃描「萬寧藥劑師同你傾」服務二維碼，或喺萬寧官網按下鏈結，即可透過WhatsApp同萬寧藥劑師真人實時對話，遙距使用「社區藥劑服務」，包括查詢小病痛評估、藥物諮詢、安排醫院取藥服務、訂購藥房產品或查詢萬寧藥房分店位置。

其實，萬寧喺前年4月已推出公院取藥服務，由萬寧派專人到指定醫院代客取藥，為唔少長期病患者提供方便，亦可減低病人因進出醫院引致嘅感染風險。