林作直播稱收律師信當食生菜 豬扒論係美麗的誤會：我唔係跪低

林作昨晚在社交平台開直播，親自回應他六日前收到TVB的律師信電郵，他表示今日下午5點前需要做到TVB律師信上的四點要求，否則TVB就會告他並索取賠償。林作指去年港姐選舉初次面試，已經認為「東涌羅浩楷」利愛安驚為天人，更形容自己捧紅對方，不惜冒充他的提名人去捧紅她，最終成功，亦安排她接受第一次訪問和第一單工作，私底下跟利愛安是好朋友。

同場加映：城城鎮宇相隔22年再合作 演跆拳道律師但要鎮宇拯救

{{hket:ul-video id="5903"}}{{/hket:ul-video}}

林作孭律師信踩場睇首輪港姐面試 「睇好」鄉音綺夢：目前呢位最掂【下一頁】

{{hket:inline-image name="chok.jpg"}}{{/hket:inline-image}}

林作表示：「小弟眾所周知讀法律出身做過大律師，2015至2017年做過兩年，對住呢啲律師信就駕輕就熟，當食生菜。」對於律師信中提到林作的誹謗招至TVB損失，他自言沒料過自己有這麼大影響力，他回應如下：「我強調書面回應會給予TVB，根據線報，TVB會有下一輪港姐複選，聽講9點鐘開始電視城入去。你安排我7號回覆你，時間撞到咁實，畀人感覺好似我哋夾埋咁，咁大鑊喎，以為我哋扯貓尾......又要搶你fo（焦點），我都考慮緊會唔會親自交封信去電視城。」

他表示：「我嘅言論係一個意見，並非事實陳述。乜嘢為「豬扒」每個人定義都唔同......我認為好難點樣告到，我自己喺度向網民講出自己睇法，似係一個曲線宣傳，我係容易中計，抵受唔到誘惑，我覺得係一個花招嚟宣傳，唔係認真告！」

{{hket:inline-image name="JOCHOK2.jpg"}}{{/hket:inline-image}}

林作就住四個要求有以下回應：

1. TVB要求：即時停止再發布有關言論並從所有平台（包括Instagram及其他社交媒體）移除上述言論

林作回應：呢個言論本人發布一次之後冇再發布，移唔移除就睇一睇我一陣解釋，我認為注解咗，我認為就唔需要點樣移除嘅。

2. TVB要求：向TVB及利愛安小姐書面道歉及澄清有關言論與事實不符；

林作回應：我會澄清，但澄清咗之後唔需要道歉。我原本言論係話麥大力一年搵兩球（200萬）唔係好多...我係比喻每年香港小姐根本唔難選，每人選嘅人好多，但九成係豬扒。呢度我講緊不入圍僅僅海選出現嘅一啲人，即係幾日前喺地鐵站見到嘅一啲極品，我認為確實講豬扒係唔啱，咩意思呢，你XX呢啲係暴龍、恐龍嚟，你嗌佢豬扒，你都侮辱咗豬扒。呢個我係道歉嘅，佢唔係豬扒咁簡單，呢班人到底邊度搵？...我不是講緊入選，只係嘗試入選嗰班！唔好話我跪低，我唔係跪低...利愛安呢個索女，你都唔畀佢入圍？

呢個澄清情況之下，冇呢個問題！最出名係東涌羅浩楷，唔係話最出名嘅豬扒。作出澄清之後，我相信係唔需要道歉，只能夠講係美麗的誤會，我講緊並非呢個意思，大家睇法有少少不同，希望澄清之後好來好去。

3. TVB要求：在他的Instagram帳戶內的顯眼位置刊登上述第二項的道歉及澄清聲明連續最少24小時；

林作回應：我會出Po擺Instagram並且永久放喺度

4. TVB要求：向TVB書面保證他已履行TVB之上述要求。

林作回應：我會畀！

林作收TVB律師信涉誹謗言論 被要求向利愛安道歉 網友剝花生【下一頁】
 

{{hket:inline-image name="jochok.jpg"}}{{/hket:inline-image}}

林作表示：「希望呢個解釋可以平息風波，令各方面有滿意解釋，有冇TVB代表出嚟可以問我兩句？我今晚返去寫信，聽日拎去TVB，咁就係一個圓滿解釋，如果對方仲係不滿，要求我再解釋多啲，冇問題嘅。如果我解釋咗之後，對方依然認為係誹謗，就放馬過嚟，冇問題！睇吓對方仲有咩動作？我覺得純粹係誤會一場，我唔係跪低，道歉亦唔需要，只係釐清楚究竟咩意思啫！」被問到打擂台還是打官司？林作說：「小弟係怕打擂台好唔怕打官司，舊年擂台都打完，今年打官司又點會怕呢？每年打一樣都幾好。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉