日日媽媽聲｜鄭衍峰自責未能多加陪伴病母 「作為獨子覺得自己可以做更多嘢」

《日日媽媽聲》第二輯繼續由余安安、羅敏莊、陳凱琳擔任主持，昨晚（23 日）播出的第4集，請來周汶錡（Kathy）、麥秋成及鄭衍峰做嘉賓。鄭衍峰在節目中提到幾年前曾因前路迷惘大發脾氣，藉視像通話向媽媽隔空道歉。

{{hket:inline-image name="1.JPG"}}{{/hket:inline-image}}

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

30歲的鄭衍峰在畢業後曾任職空中服務員、加拿大中文電台（CJVB）唱片騎師及新時代電視（Fairchild TV）節目主持。在2016年，樂易玲、余詠珊到溫哥華擔任《型．男家族》選拔比賽評判，同時接見一眾新時代電視節目主持，他應邀面試且獲得余詠珊賞識，之後隨即簽約獨自回流香港發展。

鄭媽媽表示當時都很支持囝囝的決定，同意讓他回港闖一闖：「畀佢自己嘗試下先，因為佢由細到大都好有想法，會自己照顧自己，唔會令我擔心。所以佢有咩決定我都好贊成，最緊要佢自己鍾意，就去試啦！」

{{hket:inline-image name="2.JPG"}}{{/hket:inline-image}}

不過鄭衍峰入行初期並不如意，因工作不符合預期而積壓不少壓力，十分沮喪。他指有一次於加拿大探望父母期間，情緒大爆發，更大發脾氣。他說：「嗰次因為工作問題同爹哋媽咪有啲拗撬，之後我發好大脾氣同掟嘢，仲崩潰到喊咗出嚟。」鄭媽媽傾聽兒子訴說往事時，忍不住眼泛淚光，衍峰亦藉此機會向媽媽道歉。

{{hket:inline-image name="cheng8.png"}}{{/hket:inline-image}}

鄭衍峰又提及媽媽於2020年曾接受頭部手術，當時衍峰已即時請假回加拿大陪媽咪，但衍峰依然自責自己做得不夠好，他說：「我見到媽咪醒番冇事先返香港，但照顧唔到佢成個康復期，作為獨子我覺得自己可以做更多嘢，嗰刻應該要陪媽咪多啲。都要多謝爹哋好好幫我照顧媽媽。」

鄭媽媽就希望囝囝不要自責，更著佢「唔好返嚟」，珍惜在港的工作機會。「我寧願你留喺香港繼續做嘢，因為機會錯過咗就無，趁而家有機會一定要努力去做，唔使擔心我同爹哋，我哋會照顧好自己。」

日日媽媽聲丨阮兆祥遺憾曾拒媽媽再拍拖 盡孝心找同路人伴母歡度晚年【下一頁】

撰文：林惠珊