由於新冠肺炎第五波疫情嚴峻，政府的防疫措施再次「加辣」，今日凌晨起髮型屋被納入受599F章規定的表列處所，並需要關閉至2月24日凌晨。藝人經常要打扮靚靚出席活動，去髮型屋基本上是必須事，由於條例所限，不少藝人昨晚都趕及髮型屋關閉前的尾巴，急急去整頭染髮，非常狼狽。
同場加映：「七線人棄王」被嘲奀星拍片自救 「好想搵機會演戲 自己過咗癮先」
新冠肺炎│張瑪莉憂疫情斥跳舞群組無懲處 「我哋政府真係好離地好離譜」【下一頁】
麥大力、鄺潔楹、鄧梓峰、王賢誌、阮小儀、焦浩軒、鄭衍峰、蔡愷穎、張馳豪等等都有分享自己去Salon整頭的照片，鄧梓峰搞笑說：「今日潮流係剪頭髮，我都緊貼一下先！」而MIRROR成員邱士縉Stanley則一臉死灰慨嘆：「頭髮長又無得剪，人生真艱難！」
作為髮型屋東主的瑪姬和陳偉成都大感無奈，瑪姬預計將會損失20萬收入，而陳偉成亦在社交平台呻：「搞完健身室，再搞埋我髮型屋，多謝政府！全香港繼續陪你一齊玩！唔好每次都好似唧牙膏咁得唔得，已經第五個疫情唔係第一次，可唔可以果斷少少，一係全部人14日唔好出街，宵禁14日一齊度過，如果唔係開頭停業嗰啲不斷等你玩到完都唔知幾時又唔畀人開，補貼又唔夠交租，次次都係咁點同你捱呀？」
【從孤兒到幸福】張瑪莉因童年陰影患密室恐懼症 曾自卑生恨：「有父母好巴閉咩？」【下一頁】
而曾經在疫情期間開直播鬧過政府的張瑪莉，昨日同樣不吐不快，在直播中坦言聽到確診個案破千大感驚心和難過。她說：「香港人包括我自己做好晒本份，我要讚香港人，基本上係乖，撞啱今次係農曆新年，明白香港政府你係咪真係有一個方法去做呢？我聽咗兩個版本完全荒謬！我都唔話邊個講，但你聽到佢話任何一個國家城市能力有限，即係代表你都能力有限啦，但另一個發布會上又話：『我哋係會做到！我哋完全冇問題嘅！』真係唔好意思，如果你自己都覺得冇問題嘅話，個問題係喺你嗰度呀！」
張瑪莉即晚在FB舉行祈禱直播，她說：「希望天父憐憫香港，畀話事嘅人同專家真係做一個方案出嚟係令我哋心安，我哋其實而家唔心安，我做好晒本份，你要搞先得呀，但你好似搞唔掂喎！你搞唔掂就認自己搞唔掂啦，無所謂呀嘛，而家唔係你嘅事，係全香港嘅事！」她認為人應該謙卑少少，做不到就承認兼尋求幫忙。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉