美心MX 多款台式料理登場

台灣有唔少美食都深受港人喜愛，大家喺疫情下咁耐無去旅行，必定好掛住當地美食啦，黛安聽公關姊妹講，最近美心MX推出咗多款台式美食，以最地道嘅食材及烹調方法，帶大家品嘗台式飲品、手作便當及鑊氣小炒等。

例如晚市嘅台式料理系列，包括九層塔三杯雞、烏梅醋肉排、鹽酥雞炸豆腐，大家都知佢哋堪稱台灣小菜名物，有惹味有脆口，再配埋個肉燥飯，猶如置身台式飯館。另外，午市亦有幾款台式便當可選擇，例如集合鹽酥雞、鹽酥豬扒、滷豆腐嘅綜合便當、廟口紅豆乳炸雞髀便當及菠蘿香酥魚柳便當，全部都香口又惹味。連下午茶餐都可食到鹽酥雞、地瓜條、香蔥醬油時菜等美食，大家記得試埋兩款台式特飲，如珍珠奶茶及果蓉鳳梨炭焙烏龍茶呀。