7CAFÉ「好啡自己沖」抽獎遊戲 每小時送600杯咖啡

黛安收到風，知道7CAFÉ聽日起至下星期一（16日），推出「好啡自己沖」抽獎遊戲，破天荒每小時送出600杯免費咖啡！

遊戲非常簡單，聽日起登入活動網站，根據指示製作咖啡任務，包括泡沫咖啡、鮮奶咖啡等，玩家需要運用左右腦協調，利用左邊嘅咖啡按鈕、同右邊鮮奶按鈕，看準時機按停，同時流出咖啡同澳洲鮮奶咖啡機，務求調出一杯「黃金比例」嘅咖啡。完成任務後就可以參加抽獎，中獎即送你「7CAFÉ免費贈飲電子券」，每小時送出600張電子券，登記電話號碼就可收到SMS獲得電子券啦。

姊妹透露，推廣期內每個登記嘅電話號碼，最多只可獲得1張電子券，但參加遊戲機會不限。所以，心水清嘅你，就算一開始未能抽中，都可以玩多幾次挑戰一下㗎。