做醫生為賺錢？︳住公屋中大畢業後悔當年棄選醫科 港男：本身可做上等人而家最多中產

做醫生到底是為錢，還是都需要有熱誠？一名港男日前在網上發帖，指自己為「公屋仔」，當年DSE成績不俗，可以選讀醫科，但他自言因「窮人思維」、「驚呢樣驚嗰樣唔敢去博」而放棄，最終選讀較輕鬆的學科。如今已投身社會，雖然薪酬可觀，但他卻對當年的選擇感到後悔，「一諗到本身可以上流做上等人，而家卻最多做個中產，個人就好失落。」

同場加映：

Beautiful Life︳洗車1小時當做運動瘦手臂？健身教練教4招+用2樽水燃脂減走拜拜肉

{{hket:ul-video id="5675"}}{{/hket:ul-video}}

該名港男日前向Facebook專頁「CUHK Secrets」投稿，指自己小學、中學「年年全級頭十」，但曾被班主任指其性格不適合讀醫，加上自己想未來「work life balance（工作與生活平衡）」、「做人輕鬆啲」，即使最終DSE成績不俗，仍沒選擇醫科，

「仲要英文得4而自卑，覺得自己唔會讀得掂醫，所以最後出到嚟夠分都冇揀到醫，老竇老母有啲失望但都冇講好多嘢。」

事主續指，大學4年間的確過得不算辛苦、「又hea讀」，但投身社會後薪酬不錯，「同埋做嘢雖然唔係dream job（理想工作）但都唔算好辛苦」，家中生活得到改善。但他慢慢覺得，其實在香港打工，做任何工種都沒「work life balance」，因而開始後悔當日沒選讀醫科的決定，

「一諗到人工同地位差醫生一大截，本身可以上流做上等人而家卻最多做個中產，個人就好失落。老竇老母一聽到我開始後悔，又加入埋後悔一份，怨自己點解唔逼我揀醫（反正我都係個冇咩主見嘅人）。」

對於自身的經歷，他奉勸告位DSE考生「夠分讀醫唔該唔好嘥」，又認為自己當初的選擇，背後原因與出身有關，

「果然公屋仔就係公屋仔，窮人思維就係窮人思維，唔了解究竟醫生同普通人嘅生活質素差幾遠，驚呢樣驚個樣唔敢去博，最後都係飲恨！」

過來人承認為錢讀醫：但會盡力幫每個病人

對此，有一名過來人發帖回覆事主，指自己作為一名醫生，不覺得為錢讀醫有問題，「社會好鍾意放一啲無謂嘅包袱喺專業人士身上，醫生／護士一定要好有熱誠、好想幫人、要捨己為人，律師一定要關心政治、捍衛法治。」

他指自己同樣出身窮困家庭，當初也是為改善家人生活而讀醫，

「我係為錢讀medic呀，我係冇嗰種捨己為人嘅心態呀，但我會盡力幫每個病人，我會盡量同病人／家屬解釋清楚病人嘅情況，有啲乜急事，我準備收工都會留低處理埋先，亦都讀緊專科增進自己嘅知識。我對每個病人都問心無愧。」

此事引來網民熱議，不少人認為為了賺錢讀醫沒問題，只要職業道德不被影響便可；但亦有人認為，醫護人員與其他工種不同，涉及人命、會影響病人及其親友的一生，因此要求醫護人員有熱誠亦是無可厚非：

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴