音樂旅情︳黃翊憶與黃寶欣拍拖被棒打鴛鴦 唱片公司：你估真係鍾意你唱歌？

現年54歲的黃翊接受網上節目《音樂旅情》主持人楊紹鴻訪問，分享他在香港樂壇打滾多年的起跌，由早年參加第五屆新秀而入行講起，中途轉戰電視圈當音樂節目主持人，又曾被唱片公司封為「張國榮接班人」力捧，可是最終為愛情而犧牲唱歌事業，直至2017年上節目《流行經典50強》，因此再次踏足娛樂圈。

同場加映：林希靈偏愛高佬陳安立拍拖頸痠 踢爆未婚夫愛霸廁所玩手機

{{hket:ul-video id="5724"}}{{/hket:ul-video}}

{{hket:inline-image name="05061001.jpg"}}{{/hket:inline-image}}

{{hket:inline-image name="1024_6b2934b2f2087ca152d62836419379e2.jpg"}}{{/hket:inline-image}}

黃翊於1986年以「哥哥」張國榮的快歌《Stand Up》參加《第五屆新秀歌唱大賽》，雖然三甲不入，仍被唱片公司睇中，入行後卻坐了兩年「冷板櫈」，至1988年機緣巧合有得唱漢城奧運會主題曲《一呼百應》，終於獲得外界認識。黃翊指當年聽從唱片公司指示，為了尋求機會曾到電視台跟監製應酬，「因為唔知點同人應酬，太『𡃁仔』唔識講嘢，咁不如唔好亂講、講多錯多，寧願聽人講嘢好過…。咁辛苦等咗兩年，終於有機會做我，仲唔聽話？係咪先？隨時又要坐『冷板櫈』又點頂，惟有就乖乖哋，嗰時我又無咩，反而嗰時最驚我以前公司宣傳部同事，佢真係好癲又好惡，對我完全毫不留情，又喝又鬧，當然中間夾雜好多個字，但呢個人之後都消失咗。」

各自有家室｜黃翊蔣嘉瑩過從甚密暗角談心 再與人妻傳緋聞：見慣風浪都冚親【下一頁】

由於說話不多，黃翊一度被人嘲是「啞」的，「嗰時太過『𡃁仔』又好內歛，唔識講嘢又太靜，跟住公司發現我好似『啞』咁，叫我快啲去電視台睇吓有咩啱做，幫我搵啲嘢做。自從做咗《新地新地帶》主持後就開竅，大約知道要點樣講嘢，講嘢都係一種藝術，慢慢由『啞』變咗好『多咀』。」

黃翊突然宣布「入廠」嚇壞粉絲 喉嚨生水囊生活習慣出事【下一頁】

提到當年被封為「哥哥接班人」，黃翊無奈表示：「因為大家屬同一間唱片公司，而當年我係重點培育嘅新人，好自然佢哋會諗一啲宣傳伎倆，跟住就講『阿翊，你一於做張國榮嘅接班人』，其實當期時聽到係好驚，當時哥哥嘅Fans遍佈全世界，真係厲害到不得了，你話一個死𡃁仔做張國榮嘅接班人？知唔知我當時腳到震埋。哥哥開告別演唱會嗰次，我行入紅館畀佢嘅歌迷見到，已經講說話我聽，『接班人？唓！』，我即刻頭耷耷走入紅館，真係唔夠膽。」

（↓點擊放大睇圖片↓）

有關昔日同黃寶欣拍拖而遭到公司雪藏，並賠上了個人事業。黃翊說：「唱片公司當時同我講，『知唔知每個歌迷點解鍾意你，你估真係鍾意你唱歌？其實個個好似當你老公咁，點知你出面有第二個女人，佢哋又點會鍾意你』，但我實在太年青、第一次拍拖，唔通真係分手就分手？呢件事係無可能，其實當時我都係地下情，但某本雜誌有個報料熱線，就化名話見到『顏色翊』同『飛圖欣』喺西貢沙灘慢步，因為成日有呢啲報道，公司就畀壓力我，話再唔聽話就『雪』我，而我好硬頸唔理佢，加上當年湧好多新人出嚟，我喺大海入面浮吓浮吓，當無力再踩水就沉咗落去。（有無後悔？）又唔覺得有咩需要後悔，首先唔會有一個天使出現問你想由頭嚟過？我而家係一個好現實嘅人，呢啲係無可能，所以唔需要後悔，條路係自己揀，又唔係行得好衰，呢幾年又有機會再踏足唱歌方面，咁就盡力去做，希望呢個興趣令到鍾意聽歌嘅樂迷開心。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】