王卓淇天生異稟喪食唔識肥 嫌自己太瘦：一個把自己P胖的人

現年30歲嘅王卓淇（Erin）2014年參選港姐獲得亞軍後入行，可惜星運平平，上年宣布離巢無綫，轉戰內地抖音平台做KOL及做歌手推出個人單曲《甜蜜送達》。Erin唔做TVB之後大解放，不時都會上載性感相同片派福利，日前佢就Post出一張對鏡嘅自拍照，一句留言仲「得罪」咗唔少女人。

同場加映：新歌《Innerspace》丨MIRROR 12個大男孩玩踢水無仇報 為配合紅館舞台承諾練大隻騷肌

{{hket:ul-video id="5697"}}{{/hket:ul-video}}

自從離開無綫後Erin嘅生活多姿多采，喺疫情下仍然可以四圍去，最近都喺內地嘅佢不停周圍去食好嘢，女生最愛嘅甜品佢都唔係食得少，不過最唔科學嘅就係佢食極唔肥嘅身形，手腳腰依舊都咁纖幼。日前佢又再益fans，post出一張著住內衣同超短褲嘅相，留言：「我可能是世界上唯一一個把自己P胖的人。」不過睇落佢依然係好瘦，睇唔到邊度做咗手腳。

{{hket:inline-image name="279231420_104371308886066_1582126261770343045_n.jpg"}}{{/hket:inline-image}}

Erin呢番言論「激嬲」咗唔少網民，留言：「太過分了，瘦成這樣」、「你這樣是炫耀。」都有粉絲話睇唔到佢邊度肥咗，佢先解釋話：「我P肥了手臂。」不過睇落其實都仍然比一般人瘦，有網民叫佢快啲拍拖就可以幸福肥；又有人叫佢食多啲嘢，不過Erin就話自己已經盡咗力，睇嚟瘦人都係有苦自己知！

王卓淇出身於富裕家庭，爸爸係護膚品生產商。佢自細參加過唔少選美比賽，2016年完成演藝進修班後開始拍劇，於處女劇《愛情食物鏈》中經常著熱褲小背心示人，成功獲得觀眾關注；之後都有唔少角色令網民留下深刻印象，例如《我瞞結婚了》紀可愛、《十二傳說》鄭曉盈及《那些我愛過的人》龔芊芊等等，不過一直都唔係太多演出機會嘅佢最終都係離開無綫。

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】