婚後事︳陳自瑤首次擔正開工即拍激吻戲 被黎諾懿肉緊撞爆牙：真係好激烈

陳自瑤（Yoyo）去年可謂大豐收，分別在綜藝節目《好聲好戲》、《識貨》內奪冠，並於無綫台慶頒獎禮上獲得「最佳女配角」獎項。得到肯定的Yoyo終於躍升女一位置，在新劇《婚後事》擔任女主角，與同劇男主角羅子溢、黎諾懿拍攝不少情慾鏡頭。

{{hket:inline-image name="04262002.jpg"}}{{/hket:inline-image}}

{{hket:inline-image name="04262003.jpg"}}{{/hket:inline-image}}

同場加映：金宵大廈2丨趙希洛棄星二代光環無視閒言閒語 「情願唔夠瞓都唔想坐一年冇工開」

{{hket:ul-video id="5644"}}{{/hket:ul-video}}

Yoyo日前同黎諾懿第一日開工，在維港夜景下拍攝激吻戲，在畫面見到Yoyo用力扯實黎諾懿衫領，然後二人肉緊咀嘴，咀到嘴巴彷彿也消失了，感覺出盡全力；事後Yoyo笑說：「直情呢……撞爆我隻牙！哈哈哈，真係好激烈！」證明剛才一刻，他們演得幾用力及投入。

萬千星輝頒獎典禮2021丨林淑敏許家傑合作4年終得拍檔獎 陳自瑤獲最佳女配角冇提王浩信【下一頁】

Yoyo同黎諾懿齊齊接受《東張西望》訪問，男方指大家誤會了Yoyo出道時就同他合作，其實二人之前沒有合作過，只是認識了好耐。Yoyo就澄清：「係識咗好耐好耐，但係有合作過，就係綜藝節目《識貨》，叫做綜藝節目上有合作過，但喺戲劇上真係……真似冇合作過……今日第一日同佢拍嘅第一場就要激吻，你話件事幾刺激呢！」

（↓點擊放大睇圖片↓）

至於是否有同太太李潔瑩（Nicole）備案？黎諾懿笑說：「所以（劇集）幾時播出街就話聲我知，我帶走老婆出去食飯，唔好畀佢睇到我啲嘢，我劇本都唔敢畀佢睇，睇完仲有得拍？冇得拍啦！佢實打畀監製話老公唔係好適合拍呢類劇種。（現場有好多對眼望實？）清場？對我哋嚟講已經唔再重要，我哋兩個已經突破咗（心理關口）。」Yoyo同時指投入角色去演繹才是最重要的。而現場所見，二人很專業，同導演一齊睇Playback，Yoyo還用手機拍下畫面，好認真同導演研究拍攝角度，有甚麼需要改善等等。

記者：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】