《東張西望》昨晚報道一名私人補習男老師林Sir，以補習之名不斷跟學生影親密合照放上網，甫士不時頭貼頭，亦有嘟嘴，節目形容其中一張更是將手放在女孩的大腿旁邊。多個家長力數他五大怪異行為，包括約學生食飯、同學生影貼頭親密合照、偷拍學生放上網、滋擾家長、懷疑報復行為等，而且事件在網上討論區已經廣傳，當事人林Sir大方接受《東張西望》訪問回應事件。
同場加映：梁芷珮疫情下出遊拍攝感受良多 「冇人想見到全世界靜止晒」
東張西望丨一蚊Joe街訪連施永青都認唔到？ 梁敏巧捽碟式訪問12秒重複問題3次【下一頁】
其中一位家長蘇太表示自己經網上廣告找到林Sir為十歲女兒補習，一開始已經感覺不太對勁，「佢一嚟就問我屋企有冇裝Cam（監視器）錄影，以往正常補習老師都唔會問呢啲問題，第三堂補習之前佢打電話畀我，問我可唔可以同我仔女食午飯，我話仔女未試過同補習老師食飯，但佢話呢個係佢傳統。」連十歲的女兒都覺得林Sir行為古怪，她說：「佢叫我桐桐豬、叻叻豬，我覺得好核突啦！佢又成日問我屋企嘅問題，有幾次上堂時候，我見到佢偷影我，佢話自己係回覆短訊，但明明鏡頭向住我，之後媽咪喺佢社交平台搵到佢偷拍我嘅相。」
林Sir的社交平台上有不少跟女童的親密合照，而且照片留言非常肉麻，如：「我好錫小妹妹，雖然你唔係我親生小妹妹」、「補習生涯咁多年，只有你同xxx逗我好開心，唔捨得落堂」等等。林Sir的舊同學Billy都加入戰團，踢爆林Sir已經透過社交媒體亂加40多名少女，更分享自己有一位女朋友只有11歲。
家長們發現林Sir不太對勁，於是相繼中止補習安排，沒想到反過來收到不同的滋擾。蘇太表示對方的回覆更加誇張，當林Sir得悉中斷合作後，他竟然說：「兜兜轉轉都係分開，點解要咁殘忍呀？唔嚟你屋企補習都可以去你度食飯！你屋企變成美女廚房，想試吓你手勢！」蘇太認為被滋擾，於是封鎖他的電話號碼，沒想到他用另一手機電話號碼向蘇太傳上一封親筆手寫信，信中內容有：「內心好似被刀插入心咁」、「希望你可以原諒我，讓我陪伴你子女成長。」而另一位黃小姐同樣表示跟林Sir中斷合作之後，反被報復性短訊轟炸。
東張西望丨多名外傭因染疫被僱主趕出家門 被迫瞓垃圾房坐公園 網友：超涼薄【下一頁】
林Sir接受《東張西望》訪問，但訪問前刪走社交平台所有相關圖片，他率先就事件回應：「我可以好肯定咁同你講，我唔係戀童癖！經過網友推演，加鹽加醋令件事好似發酵咗！（點解要影女童親密相放上網？）我係一個身心健康嘅人，我想同小朋友影相去表達對小朋友嘅關心，等佢哋知道有老師關心同搞好雙方關係。」他解釋只是影相角度，並沒有與女童有身體接觸，他指就算有身體碰撞，只是反映孩童與他的關係熟絡、互相信任才會如此。他表示將照片放上網只是跟朋友分享，表達自己有愛心去教小朋友。
對於被指滋擾家長，林Sir聲稱只是過時過節的祝福，沒想到被形容為騷擾。林Sir為《東張西望》找來證人，證明自己是正人君子，而且補習後令學生成績突飛猛進。事實上，多位家長表示不再找林Sir補習後，收到各方的滋擾，包括收到恐嚇會舉報跨家庭聚會、偽冒房署信件指家長養貓、假帳戶發補習廣告等等，林Sir都統統推翻指跟自己無關。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組