絲打圍爐丨周家怡聽師傅話床邊灶罅攝幾年 狂推娟姐肥仔CP：求吓唔好再講

周家怡昨晚接受由蝦頭（楊詩敏）主持的網上節目《絲打圍爐》的直播訪問，節目找來練美娟擔任客席主持，提到剛播完ViuTV劇集《反起跑線聯盟》拍攝時的趣事，蝦頭大讚娟姐、肥仔飾演的夫婦有趣搞笑，娟姐無奈說：「又講！」家怡接著笑說：「其實你同肥仔應該真係要結婚，我未見過兩個人嘅默契好到咁，嗱！如果你見到個friend塊面有粒嘢，正常都會有段距離咁指住話畀對方知，但娟姐係用手隊埋去……」娟姐解釋：「咁咪因為係friend囉！」

同場加映：360秒人生課堂丨林盛斌高EQ全靠人生經歷累積 豁達面對負評意外為仔女「打底」

{{hket:ul-video id="5606"}}{{/hket:ul-video}}

{{hket:inline-image name="278766362_3147500032160458_158846925867477408_n.jpg"}}{{/hket:inline-image}}

{{hket:inline-image name="21.JPG"}}{{/hket:inline-image}}

現場還播出娟姐在拍攝《反起跑線聯盟》時，拍打肥仔肚皮的片段，當時肥仔成個人彈起，娟姐看後便解釋：「其實……真係唔係好大力！但我諗唔到佢嘅肚皮咁有彈性，唔關我事㗎！」蝦頭笑說：「佢呢啲咪好朋友囉，肥仔都唔會嬲你㗎，仲會結婚添！你哋係咪將會結婚？七師傅話㗎嘛！」娟姐沒好氣求饒道：「其實我真係求吓你哋，唔好再講我同肥仔，因為畢竟我都仲係黃花閨女，我仲係單身人士，我哋喺劇情入面有（愛情）就算喇！」

此時，當家怡提到見過肥仔「將肚腩放上胸部」，娟姐似心存妒忌，質問她：「點解你會見過嘅？」家怡笑著解釋，指肥仔在服裝間表演過，娟姐續說：「你唔識擰歪面咩？嗰啲貪嗔癡，你中咗一樣。」似是有所理虧的家怡笑稱：「你同肥仔都係結婚吧啦！」

絲打圍爐丨練美娟性格火爆犯賤鍾意大男人 連詩雅易被呃分分鐘誤做第三者【下一頁】

三女暢所欲言，討論黃花閨女的擇偶條件，家怡笑言黃花閨女令她想到「罅」，她說：「我曾經聽過風水師傳講，張床貼牆的話，千祈唔好有條罅仔。」娟姐問道：「即係攝灶罅？」家怡笑說：「我就係懷疑10年嚟都有呢條罅！而家我用枕頭攝實晒嗰條罅，不過都攝咗幾年……」家怡坦言現時憑感覺尋覓對象。

反起跑線聯盟丨周家怡攞住公仔感受生仔之痛 被叫「媽媽」覺得好sweet【下一頁】

{{hket:inline-image name="278720243_586521045669624_41655250563072923_n.jpg"}}{{/hket:inline-image}}

提到《反起跑線聯盟》的小童星徐立德，家怡表示很掛念「兒子」Billy，不過自己沒有生BB的意慾，娟姐就指自己好想生，她說：「我唔知幾時開始做咗雪卵KOL，其實我想澄清番，我只係話暫時未必生到，因為我未有另一半，短期內……所以我希望而家儲定粒卵子，第時如果我未搵到另一半，又想有小朋友嘅時候，我先用呢個方法。」蝦頭自嘲是「老蚌」，曾想過領養小朋友，家怡再次重申現時沒有生育的打算，父母亦沒有再催婚。

反起跑線聯盟丨肥仔應承開Live宣傳甩底唔見人 娟姐嬲到出賣「老公」黑圖洩憤【下一頁】

{{hket:inline-image name="278731508_118670910794054_8255728428584939513_n.jpg"}}{{/hket:inline-image}}

{{hket:inline-image name="278795749_406072027631858_6528638617080655087_n.jpg"}}{{/hket:inline-image}}

近幾年，家怡開始素食人生，身體變得健康起來，她說：「全素差不多3年，當初喺網上睇片，見到有隻鴨接放學，鴨見到主人好開心咁叫，嗰日我嘅lunch係燒鴨飯……我即刻起雞皮！唔知點解嗰盒飯特別肉酸，突然之間我話唔食喇！由嗰刻開始我就冇食，後來又偷雞食番啲海鮮，之後我去咗冰島旅行，睇咗北極光、冰川融化……我同經理人睇到喊咗，唔得喇！真係食素，後來睇埋《The Game Changers》，原來食素好到咁，食肉係差到咁，於是把心一橫就轉咗食素，對身體、皮膚都好咗。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】