GO！執！事務所丨Jeremy驚見MIRROR紀念品被亂放 阿正笑住解釋：放喺貓籠冇人搶走

男子組合MIRROR成員李駿傑（Jeremy）化身「首席執事」，與「收納執事」阿橙、「氣場執事」Jan Jan和「客服執事」阿正主持ViuTV綜藝節目《GO！執！事務所》，未為觀眾解決執屋的煩惱之前，先為阿正斷捨離，Jeremy竟發現阿正將MIRROR物品亂放入貓籠。

同場加映：娛樂直擊| 梁芷珮疫情下出遊拍攝感受良多 「冇人想見到全世界靜止晒」

{{hket:ul-video id="5602"}}{{/hket:ul-video}}

{{hket:inline-image name="54.JPG"}}{{/hket:inline-image}}

{{hket:inline-image name="10.JPG"}}{{/hket:inline-image}}

由於阿正的媽媽表明不再為女兒執屋，阿正只好向ViuTV吉祥物「生啤」求助，阿橙和Jan Jan先後為阿正整理房間，教她不少收納方法，之後輪到Jeremy出場，為她清理擺放在廳中的貓籠，在放滿雜物的貓籠內，Jeremy發現有30張印有「笙年快樂」的魏浚笙揮春，笑言可以派街坊。

戲肉來了，接著再看到MIRROR Boxset紀念品，阿正立即賣口乖：「呢個我好珍而重之㗎！」Jeremy如此回應對方：「所以擺喺貓籠入面……」阿正接著說：「因為我冇其他櫃。」

Jeremy再找到MIRRIOR的紀念品，說：「又係我哋嘅嘢，亂扔喺貓籠入面！」阿正澄清：「唔係亂扔呀！」Jeremy沒好氣表示：「你知唔知出面有幾多人想要呀？」轉數快的阿正立即說：「咪就係囉！所以我困佢喺貓籠入面，冇人可以搶走呀！」此時Jeremy笑說：「又畀你兜到喎！」

Jeremy被阿正讚是漫畫花美男 自爆美國疑遇呃錢黨反應超搞笑【下一頁】

與Edan（呂爵安）合作過《膠戰》的阿正，家中有Edan的燈牌不足為奇，阿正說：「呢個係佢啲Fans畀㗎，不如你攞走，呢個我唔要喇！」Jeremy二話不說隨手掉走，這時阿正突然知錯，怕得罪「爵屎」（Edan Fans暱稱）的她立即跪在地上笑說：「我會畀人打死，唔好呀！對唔住呀！我講吓笑㗎咋，下次演唱會我會帶去㗎！」

清掉貓籠後，Jeremy看到地上的東西，帶點激動說：「你點可以將咁重要嘅MIRROR海報就咁放喺地下㗎？你知唔知好多人收藏㗎？」阿正解釋：「我有『棟』好佢㗎，我好想要㗎，我唔捨得扔㗎！我同你講，我上車就靠呢疊（海報）㗎喇，我唔捨得賣，好有紀念價值……」

Jeremy冇「兄弟」傍住好緊張 AK入LIVE一句留言勁暖男【下一頁】

另一邊廂，「收納執事」阿橙等人再為阿正執拾廚房時，除雪櫃、焗爐有異味外，更在廚櫃內發現半隻蟑螂，阿正笑說：「其實噚晚我瞓唔著，因為我好驚大家執屋嘅時候，見到啲奇怪嘢……最多咪係前度嘅嘢、蜘蛛之類咁，半隻曱甴頭？OK，我輸咗！之前我心諗點都會唔會有『小強』啦，我為咗殲滅『小強』，盡咗好大努力，估唔到仲有半隻……」Jeremy望住阿正搖，最後說：「我屋企有好多贊助商嘅嘢，所以屋企成日堆埋一堆嘢，我得閒先可以執到，我係會一口氣執晒佢，唔似得你！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】