Jeremy認個性沉實不及其他成員風趣 做貼地偶像喜見媽媽興奮炫耀

MIRROR成員李駿傑（Jeremy）推出個人單曲《半》，如他的金句所形容：「一切都是最好的安排」，三年的等待換來一致好評。Jeremy見到媽媽的興奮雀躍，感受到粉絲們的期待，均大為感動。Jeremy自認不是特別風趣幽默的人，感激Unicorns看到他的真與善，讓他自然地做一個貼地的偶像。

{{hket:ul-video id="5346"}}{{/hket:ul-video}}

《半》這首歌曲邀請到王雙駿監製及編曲、吳林峰作曲、周耀輝填詞，猶如為Jeremy度身訂造一樣，「歌曲概念係我自己諗，好多感受源自自己，以前嘅我只係在乎人哋感受，其實真係要學識照顧番自己感覺。每個人都有唔同面向，我哋要正面去面對自己唔同嘅面向，了解自己，先能夠成為更完整嘅人。」Jeremy懂得照顧人是人所皆知，事關MIRROR不同的成員都直接稱呼他為「媽媽」，連隊長Lokman（楊樂文）和副隊長AK（江𤒹生）都讚Jeremy絕對是隊長之選。「可能係家人嘅關係，屋企人將我照顧得好好，亦教我要多啲照顧其他人，所以MIRROR入面擔當媽媽呢個角色。」

Jeremy首推單曲《半》獲成員打氣 掛住11子：其實solo真係好孤單【下一頁】

{{hket:inline-image name="DSC07772.JPG"}}{{/hket:inline-image}}

{{hket:inline-image name="IMG_0149.JPG"}}{{/hket:inline-image}}

Jeremy等足3年，終於有屬於自己的單人歌曲，「當時知道消息嘅時候係MIRROR開緊演唱會，我就好興奮咁一次過同11位兄弟講呢個好消息，大家都好戥我開心。六歲開始就好鍾意唱歌，代表學校去參加比賽，當時覺得長大之後一定要成為歌手，過程中都不斷受到好多挫折，因為我唱歌真係唔叻！直至《全民造星》呢個比賽令我有機會成為男團，其實已經實現咗我由細到大嘅夢想，對我而言出單曲已經係額外的獎勵。」3年來，Jeremy由沒有自信的小伙子，慢慢認識自己、發揮自己，在等待的過程中不斷學唱歌、學跳舞去增值自己，磨劍千日終於有發光發亮的一天。

問到家人有沒有替他感到驕傲？Jeremy形容媽媽的反應非常可愛，「佢哋聽到我有機會出單人歌好興奮，問我幾時錄歌，錄完歌畀佢聽完之後，又問我幾時拍MV？MV幾時出？阿媽好好笑，拍新歌MV當日，我同佢視像，咁佢身邊有其他人，不斷同人介紹話：『呢個我個仔，佢拍緊MV呀！靚唔靚仔？』佢好興奮同好想炫耀佢個仔咁，好開心可以令媽咪開心。」

Jeremy@MIRROR有望出SOLO歌 fans集資籌備強大應援【下一頁】

Jeremy在隊中總是予人親切的感覺，而他過往常被粉絲拍到乘搭公共交通工具，或者去抽居屋等等，感覺像是「微服出巡」的人氣天團偶像，「即使MIRROR紅咗，我都唔覺得自己有咩特別，所以同以往生活一樣，照常搭車做正常人會做嘅事，唔覺得應該有咩優待。（粉絲擁戴？）我本身係冇自信嘅人，佢哋點樣抬舉我，我都一樣，表演自信有嘅，但生活上我都係普通人啫！我成日睇粉絲嘅留言，佢哋鍾意我真、善良同純，好多謝佢哋睇到我呢一面。坦白講，我唔係風趣幽默嘅人，總係好似好沉實咁，唔似其他MIRROR成員識得好開心咁呈現畀大家，但呢個就係我，我都好鍾意而家嘅自己。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

場地：212 Studio
服飾：Farfetch, Moschino, Marimekko
髮型：Man Chan @ Chic Private I Salon
化妝：Rainbow Chung @Annie G. Chan Makeup Centre
責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}