K11集團消費獎賞升級 逾500商戶K Dollar互通 最高賺10倍

復活節假期今展開，出街買嘢Shopping儲分最精明。黛安知道新世界同K11集團旗下各個會員獎賞計劃將會「互聯互通」，升級之後「K Dollar獎賞計劃」能於逾500間商戶使用，只要消費滿指定金額，買嘢時拎出手機掃一掃QR code，就可以簡單喺專用App賺到K Dollar，而每1個K Dollar都可當港幣$1使用，不設最低消費門檻，真係賺到1蚊就多1蚊吖。

黛安睇過，全新K Dollar唔止打通咗周大福等商戶嘅會員優惠，連去酒店Staycation都有得賺，喺優惠期（21/4至31/5）內消費，仲有機會賺10倍K Dollar。而且，會員只要喺3個業務據點內，幫襯2間或以上商戶各500蚊，仲可額外拎高達500 K Dollar獎賞。公關姐妹仲話，K Dollar唔止Shopping用得，去富通保險買保險，或者去港怡醫院檢查身體都用到，照顧生活每個範疇所需呀。