PET PET星丨張明偉愛犬畢仔離世頓感空虛 一見鍾情領養全黑狗女JoJo

張明偉近日在社交平台分享他與剛收養狗女的合照，小狗女Jolly全身黑色毛，眼仔碌碌，偏偏心口就有一小撮白毛，非常獨特又可愛。張明偉特別為Jolly新增IG戶口分享生活日常，Jolly年紀太細，難怪冧到「爸爸」暈低，即使牠愛搗蛋破壞家具，張明偉都笑笑口嬲佢唔落。

同場加映：IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

《愛回家》George│張明偉凌晨驚爆遭賊入屋爆竊 被雪藏後周日劇情咁樣交代...【下一頁】

{{hket:inline-image name="IMG_1740.JPG"}}{{/hket:inline-image}}

張明偉一直形容「相依為命」的愛犬畢仔去年年底不幸病逝，當時他在美國登台，臨返港在飛機上才得悉這個噩耗，非常難過，他憶述：「佢離開之後，我因為要喺酒店隔離，三個禮拜之後返到屋企，當晚先真正感受到屋企冇咗畢仔嘅空虛同寂寞，一入門口已經爆喊，感覺好差好差。」表示起初沒想到要立即搵狗仔替代畢仔，只是屋企早前幾乎遭賊人入屋爆格，養狗會心安一點。

後來，張明偉一如以往到相熟的狗場做義工，沒想到緣份來到，義工在垃圾站發現狗女Jolly，「我本身純粹探吓狗場啲狗狗，不過見到Jolly之後……成件事發生得好快，佢好靚，全黑色好酷，而且佢好有種冒險精神，不時探吓險周圍走但又會黐吓你，我見到之後都忍唔住，覺得可能timing合適嘞，所以就決定帶佢返屋企。」

追夢富二代｜張明偉突然宣布離開《愛·回家》George激似林作令觀眾深刻印象【下一頁】

張明偉笑稱領養牠回家之後，有一次工作時，他特地開住車帶Jolly周圍去，見見他的朋友和工作夥伴。Jolly沒有怕醜，成為大家的開心果。張明偉說：「直至返到屋企，Jolly喺門口呆咗，可能心諗去咁多地方，都唔知到底係唔係屋企？其實佢都融入得好快，（接受新主人？）其實我似佢僕人多啲囉！佢先係主人，我服侍佢！」

{{hket:inline-image name="271128977_256524756438542_6387077507831426967_n.jpg"}}{{/hket:inline-image}}

張明偉表示畢仔是狗仔，今次Jolly是狗女，感覺完全不一樣，「我都有養過隻史納莎狗女，我覺得狗仔感覺似兄弟buddy咁，狗女就會嗲多啲同sweet啲，真係畀佢冧到，好似談戀愛咁！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}