Jeremy被阿正讚是漫畫花美男 自爆美國疑遇呃錢黨反應超搞笑

男子組合MIRROR成員李駿傑（Jeremy）主持的ViuTV綜藝節目《GO！執！事務所》，將於下周一（18/4）晚首播，Jeremy在節目將化身為Jeremy首席執事，帶領收納執事阿橙、氣場執事Jan Jan和客服執事阿正，為大家解決一切需要斷捨離的空間。

同場加映：新歌《Elevator》丨Edan疫情停工無損心情被妹妹嫌煩 反差魅力狂吸粉：我會好好把握

{{hket:ul-video id="5576"}}{{/hket:ul-video}}

{{hket:inline-image name="278333126_1144522596367123_4408617508231403744_n.jpg"}}{{/hket:inline-image}}

昨晚，Jeremy接受阿正和Elsie商台節目《Bad Girl佬》訪問，阿正指他是花美男，如在漫畫走出來的男人，Elsie說：「Jeremy有種黑執事嘅感覺，要著黑色西裝出街。」Jeremy聽著一直傻笑，阿正笑他：「怕醜喎，Jeremy！」Jeremy笑言接受阿正訪問真的很驚，因知道對方沒有尺度，阿正說：「呢排同Jeremy合作得比較多，覺得佢人生應該冇乜𤓓嘢，因為佢處女座，行為相當檢點，覺得佢好細心，做嘢超級認真，係無可挑剔，後來先發現佢都幾傻勁，我同Jeremy有節目就快出街，有一part講緊EX嘅嘢，但佢話我哋講緊乜嘢呀，就係呢種傻更更，太可愛，我都好期待可以撩到佢啲𤓓嘢出嚟。」

Pet Pet星丨Jeremy無懼貓毛過敏堅持領養 試過腫到豬頭要睇醫生【下一頁】

提到拍攝《GO！執！事務所》時的𤓓事，Jeremy自爆曾經讀錯事主的名字，將「Bear」讀成「Beer」，阿正說：「記得有次執嘢執到好污糟，導演畀搓手液我消毒，但係畀咗好多我，我忍唔住寸佢『嘩，乜你份人咁大方！』，Jeremy隔咗5秒話『好大方！』哈哈哈哈，佢笑咗2、3分鐘，笑到塊面紅晒。」Jeremy接著說：「真係好好笑，你寸得咁應嘅，原來可以咁樣寸人㗎，加上嗰晚攰得滯，個人有啲唔清醒。」

Jeremy冇「兄弟」傍住好緊張 AK入LIVE一句留言勁暖男【下一頁】

{{hket:inline-image name="568.jpg"}}{{/hket:inline-image}}

至於其他𤓓事，發生在《全民造星》赴美國接受訓練時，Jeremy指在Hollywood的街道上，會有很多黑人給途人一張他們自創的音樂唱片，「我聽人講過，嗰啲人畀完碟你，就會圍住你，迫你畀錢，跟住我一收到之後，即刻9秒9掟咗，然後跑走咗，頭也不回，我好驚佢追過嚟，跑到勁遠，我先再望一望，好彩佢冇追嚟，我係就咁掟走咗人哋張碟，畀都冇畀番人哋，直接掟，好驚畀錢人哋，嗰吓真係好冇禮貌，一直走走走，真係好𤓓！」阿正笑說：「佢連真人喺生活當中都好漫畫。」Elsie說：「我Feel到對腳好似啲雲轉圈嗰啲。」阿正接著說：「仲有手刀。」

Jeremy認個性沉實不及其他成員風趣 做貼地偶像喜見媽媽興奮炫耀【下一頁】

{{hket:inline-image name="61318974_318958462365351_2028121207751833988_n.jpg"}}{{/hket:inline-image}}

𤓓事陸續有，那次發生在意大利，Jeremy說：「有人會畀一袋雀糧你，等你可以餵雀仔，點知餵餵吓，佢突然之間同我講要錢，我就好驚『吓！原來要錢㗎？』跟住我就一嘢拋晒雀糧，然後即刻走。」阿正和Elsie笑說：「Jeremy好呢味㗎喎，一有意外發生，佢鍾意將手頭上嘅嘢拋高，佢最得意嘅地方係，嗰種手足無措，唔知點處理，掟走佢啦，好Cute呀！如果多幾個Jeremy，意大利啲雀都會多謝你。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】