伍詠薇重提老公練海棠被揭出軌 憶處理過程超冷靜：兩公婆閂埋門解決

伍詠薇（伍姑娘）入行32年，對人對事從來沒有保留，為人直率，所以擁有一班很要好的親密戰友。最近她接受網上節目《源心流》訪問，細說夫妻之間的關係。2019年與老公練海棠結婚20周年，她在IG出帖留言指一段挺長的婚姻關係，一切盡在不言中，當中甜酸苦辣、喜怒哀樂、互相扶持包容甚麼都有，不容易。

同場加映︰愛回家丨島大書蟲林浩文 羅永健 吳卓衡靠面油頭皮怪造型入屋 感恩有代表作：繼續追夢唔怕捱

{{hket:ul-video id="5575"}}{{/hket:ul-video}}

{{hket:inline-image name="253944352_609320966957099_4807942639344791652_n.jpg"}}{{/hket:inline-image}}

伍姑娘在訪問中指自己由細到大都是一個好坦蕩蕩的女俠，「我喺屋邨長大，中五畢業，天生有仗義精神，性格係『精人出手，笨人出口』嗰啲。入咗行之後就成熟咗，做嘢都會好直言，但會識睇眉頭眼額，喺講嘢方面，盡量都唔會傷害人，但我只係會畀3次機會對方，第4次我就會『炳』㗎喇！我唔係傻㗎，你唔可以再咁對我。」

伍詠薇原諒練海棠自詡「資深食家」 真心愛翁江培：冇佢我「華燈初上」【下一頁】

或者就是她的性格，對於老公練海棠曾先後兩次出軌，伍姑娘都會包容，亦認為自己都有問題，她說：「我先生係天蠍座，佢係做廣告、創作嘅人，性格會比較沉默啲，所以基本上我同佢係嗌唔成交。結咗婚都20幾年，之前梗係開心Sweet啦，當年我老公曳曳，被記者捉個正著，當時我係要出外景拍嘢，有記者Send咗WhatsApp畀我，仲有啲相，問我有咩回應，我就回應佢『你啱啱Send畀我，我先知嘅，我都要出去做嘢，到時候再回應啦，等我處理吓先。』

伍詠薇父親早逝未及報養育之恩 心痛爆喊：來世再做我爸爸【下一頁】

{{hket:inline-image name="72780447_569299013844022_715049615634482286_n.jpg"}}{{/hket:inline-image}}

伍姑娘指當時收線後，望望睡在身邊的老公，於是輕輕拍醒他，續說：「我叫佢『慢慢起身，唔使驚，而家講啲嘢畀你聽，有記者影到你同女仔一齊喺架車度......』佢聽到即刻彈起身，我話『唔使驚，冷靜啲，我陣間出去做嘢，唔好影響我情緒，啲相影到，唔緊要，兩公婆閂埋門解決問題先，你坦白同我講發生咩事，出到去就由我去回應。』咁我問佢有咩想講，佢話對唔住......話我忽略咗佢，係嘅，因為我擺咗好多時間喺事業上。好喇，等我做完嘢返嚟再慢慢傾，我返到屋企，放鬆晒成個人，坐定定，佢梗係唔知點樣啦，我都叫佢放鬆啲，我承認係少咗陪佢，我真心同佢講呢番說話，我問佢對我有咩感覺先，如果你想分開，就同我分開，如果想再試吓就一齊，所以當時我哋好自然就圓滿解決咗。」

伍詠薇曬恩愛慶祝結婚20年 肢體動作隱喻婚姻保鮮秘密【下一頁】

{{hket:inline-image name="64331696_381594542479044_2658080925117082209_n.jpg"}}{{/hket:inline-image}}

{{hket:inline-image name="84016533_194573378553697_6994890001605714930_n.jpg"}}{{/hket:inline-image}}

其實，當年伍姑娘代夫向公眾道歉，隨即引起不少網民討論，指她縱容老公出軌，但她當時解釋：「丈夫係自己揀，與其諗係唔係佢錯，倒不如檢討吓自己有冇錯，我都好勻真、好包容，所以我覺得發生呢種事，當中我都有問題，唔係話相唔相信佢，我信呢件事係真，但件事發生咗，我係要去包容佢、再同佢相處，坦誠溝通之後，再睇吓我哋可唔可以再一起走落去。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】