7仔首間Pop-up店 7CAFÉ+登陸旺角

每日一杯咖啡，係唔少打工仔提神之選，黛安打聽到，7-Eleven今個月會破天荒喺旺角打造首間「7CAFÉ+」Pop-up概念店，仲注入好多新元素，加埋多款性價比嘅新品，大家去到必定有驚喜。

公關姊妹話，「7CAFÉ+」嘅「+」係指「加多點驚喜」，店內有多款期間限定特色新品，例如港式奶茶沙冰、紅豆冰味沙冰、楊枝甘露味沙冰及手搖港式檸檬冰茶等，將大家熟悉嘅港式口味注入7CAFÉ+，每款只售$20至$22。7CAFÉ+亦首次加入單品咖啡豆（Single Origin）嘅選擇，嚴選來自單一產地蘇門答臘嘅曼特寧咖啡豆，咖啡豆經中度烘培後，帶來獨特焦糖香氣，酸度適中，大家一定要試下。而且店內所有咖啡及鮮奶都有特配OATLY燕麥奶選擇，照顧埋素食者或乳糖不耐症嘅顧客。另外，7CAFÉ+亦已登陸7-Eleven NOW外送平台，只要打開yuu應用程式後點選「yuu網購」即可訂購，買滿$80仲免運費㗎。