林盛斌撮合N對戀人做月老起晒朵 30歲女出重酬：約一位男性十萬

在圈中人緣甚廣的Bob曾自爆近十年八年內總共撮合過起碼8至10對情人，但佢表示無意開婚姻介紹所，每次佢都會了解雙方嘅性格同背景，然後喺朋友當中，搵一啲比較適合嘅人畀對方。雖曾有失敗個案，但仍樂此不疲︰「見到身邊朋友搵到合適嘅另一半，拍拖、結婚、生小朋友，我就好開心。」

同場加映：  星空下的Liza│姜麗文演技獲肯定成秦沛驕傲 「星二代嘅努力不應被忽略」

{{hket:ul-video id="4691"}}{{/hket:ul-video}}

{{hket:inline-image name="f9a75ca5c72ef4200b2cec7e61d6fc0d.jpg"}}{{/hket:inline-image}}

阿Bob近日就成功撮合張秀文同金融財俊Billy，令佢又再次收到好多圈內及圈外朋友電話提出要求做媒，就連三唔識七嘅人都想搵Bob幫幫手！Bob今日喺佢嘅社交平台post出經理人Kaman同呢位「求愛」女士嘅對話，大讚經理人有耐性！呢位要求Bob做媒人嘅女士一嚟就話自己30歲，更加話「如果成功，我的另一半會畀一百萬」，又話「每一位男性成功約見到我的話，林生都有十萬」。雖然佢講嘅嘢有啲無稽，不過經理人都好有耐性咁同對方講阿Bob只會為朋友做配對，唔係為咗錢；又話呢位女士後生又主動，提議佢去搵真正嘅配對公司。

呢個post一出唔少藝人都留言話搲頭，張名雅留言：「我都好confused（疑惑），點解唔係佢自己畀，而係佢嘅另一半畀。咁佢嘅另一半係叫你介紹畀佢，即係叫你嘅朋友畀錢你，然後再介紹埋畀佢。」陳定幫太太楊錳霏都問佢係咪預咗自己會釣到金龜婿，成件事令人無奈得嚟都幾好笑。

Bob成功個案

Sammi及其男友，係阿Bob情人節當日同小朋友及家長們去燒烤，突然心血來潮做媒人，分別致電叫兩人出來，原先秀文話已躺在被窩上網玩手機唔想出嚟，Bob就同佢講「信我，出嚟可以改變到你一生，唔出嚟你會後悔！」之後張秀文化咗少少妝同埋束咗條小辮子出咗嚟，雖然兩個唔係一見鍾情，但都算傾得投契，之後二人開始聯絡及發展。

除了Sammi及其男友，今年頭結婚嘅朱慧敏及醫生陳良貴（Jason）都係Bob介紹而相識。2018年Jason曾為Bob做「通波仔」手術，手術成功後Bob除咗多謝陳醫生外，更開post幫對方徵女友。最後朱慧敏同Jason相識一段日子後決定結婚，更搵Bob做「外父」拖新娘出場。

楊錳霏和陳定幫師傅嘅相遇都並非偶然。有一次阿Bob見到楊錳霏分手後喺社交媒體吐苦水，然後阿Bob第二日隨即車佢去陳定幫師傅嘅辦公室，更指陳師傅算命很準確，二人第一次見就睇「全相」，即係睇面相、手相，之後就交換咗電話，現時二人已結婚9年。

{{hket:inline-image name="17c406f5-7a79-48de-bb7d-d99b0ae0a28f.JPG"}}{{/hket:inline-image}}

雖然「屢創佳績」，但Bob多次表示唔會將牽紅線嘅工作演變成生意，佢強調呢方面只會講心唔講金，做媒只係一種恩德，正如工作上搵到伯樂一樣。

{{hket:inline-image name="Wha.jpeg"}}{{/hket:inline-image}}

{{hket:inline-image name="WhatsApp.jpeg"}}{{/hket:inline-image}}

{{hket:inline-image name="What.jpeg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】