健康旦丨劉錫賢曾患抑鬱體重暴跌60磅 全部指數爆標：靠老婆照顧控制

60歲的劉錫賢近日接受鄭丹瑞（阿旦）主持的網台節目《健康‧旦》訪問，大談自己的身體情況，他表示大約1992年得悉自己患上糖尿病，直至1997年情況最為嚴重，因劉錫賢遇到一位識得術數的朋友，「佢話我命格越肥越紅，就會越發！一肥之下，工作的確多咗，工作機會不斷湧入嚟，以前都係做三線，後來竟然做到主角，就放任咁食。」他表示在內地工作時，甚至試過一日七餐，非常誇張。

同場加映：REBOUND丨Alton隔7個月先覆短訊認衰仔 AK稱入行爆忙感激圈外老友諒解

{{hket:ul-video id="5540"}}{{/hket:ul-video}}

亞視忠臣丨劉錫賢感激兩位恩人梁天和翁虹 亞視味重：這是不變的事實【下一頁】

{{hket:inline-image name="fat.jpg"}}{{/hket:inline-image}}

{{hket:inline-image name="fat2.jpg"}}{{/hket:inline-image}}

劉錫賢透露最高峰體重是在2008年，體重高達320磅，他笑笑口指人人都著重三高，「我不止，可能係六高、七高，血壓高、膽固醇高、尿酸高……基本上數得出嘅慢性病都有，除咗心臟病，（驚嗎？）當然驚，所以而家開始調節吓生活！」他憶起當時2008年因肥胖患上「恐病症」，情緒病的一種，想自覺就快死，「有日瞓喺梳化上面，突然間透唔到氣，感覺窒息，連電話都拎唔到，平靜之後就好番啲！有次去廣播道開工又係咁，喺架的士度幾乎窒息。」

劉錫賢被醫生證實患上抑鬱症，體重在3個月內一度暴跌60磅，不想見人、應酬之餘，他連睇周星馳的喜劇都會感觸落淚，故在朋友和家人的鼓勵下，慢慢正視自己的病情。「現任太太幫我好多，我好感激佢！佢好照顧我飲食、運動、行為，佢會睇住我，所以我將我老婆介紹畀我啲醫生識，醫生會同佢講應該點做。」

【亞視忠臣】59歲劉錫賢零收入健康差 「現在憂柴憂米人生最低潮」【下一頁】

劉錫賢指以往經常「唔乖」，經常重蹈覆轍再胡亂飲食，他笑言自己「犯賤」，現時被太太管理生活，才感到幸福。太太為他煮健康的住家飯，令他磅數慢慢減下去，體重減去30磅，連帶心理負擔都減省不少，拍戲都不會常常「躁底」發脾氣。

{{hket:inline-image name="db690db9-8e67-4b0c-b02e-4b1c48b1b6d0_600.jpg"}}{{/hket:inline-image}}

{{hket:inline-image name="beb9ba5a-fc62-4f5d-948a-fe0b05d412f8_600.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉