Feral Fantasy 為流浪貓創作NFT 捐助流浪貓狗機構

近年元宇宙同NFT興起，香港周圍湧現大量極具創意嘅NFT圖像。黛安聽公關姊妹講，最近有創作團隊開設名為Feral Fantasy嘅項目，融合日本同美國畫風嘅NFT，更係為4隻真嘅流浪貓創造。聽聞創作團隊全部都係懂貓、收養貓同尊重流浪貓嘅人。

佢哋嘅NFT素材有李小龍、倉鼠、潛水捉魚同日本武士等，十分多元化；以生動鬼馬方式演繹流浪貓好奇探索世界、自由自在享受生活嘅性格。姊妹話，Feral Fantasy NFT係為流浪貓而設立，會捐助同設有義工隊支援流浪貓狗機構。現時更同香港關愛動物庇護之家、動物伴我行會社孤兒院及毛守救援，舉辦「捕捉可愛小貓」NFT大發放活動。只需喺Feral Fantasy Fb帖文放上貓咪萌萌照片，就有機會獲得Feral Fantasy NFT，大家快啲同貓咪一齊參加同投票啦。