HOME+ 支持賽馬會食物援助計劃 直送上門

疫下唔少企業都向受影響嘅家庭伸出援手。黛安知道，網購平台HOMEPLUS（HOME+）參加咗由馬會慈善信託基金捐助及策動嘅「賽馬會逆境同行食物援助計劃」，為旗下「E-家食」網上食物選購服務嘅企業夥伴，HOME+會為合資格人士提供簡單易用嘅網上購物平台，等佢哋可以安坐家中網購優質食物。呢個計劃每周會向每位受助人提供價值$400嘅積分，可用喺HOME+等網上平台購買食材，食物包就會直送上門，減低傳播風險。

HOME+行政總裁林嘉玲話，會不斷尋求跟唔同嘅非牟利團體合作，希望善用HOME+平台合作夥伴嘅網絡優勢，廣泛嘅商品種類及龐大貨源，喺疫情下將生活所需送到有需要人士手中，助大眾紓緩採購抗疫物資及食糧嘅壓力。