講你都唔信丨鄧兆尊爆曾出手打傷現任女友之一 陳惠敏大佬B拖馬幫出氣擺和頭酒

綜藝節目《講你都唔信》昨晚一集邀請到鄧兆尊、阮兆祥、薛家燕、肥媽等做嘉賓，大家各自分享自己的「第一次」，而壓軸出場講故事的家燕姐和鄧兆尊，兩位的經歷都嚇到大家呆一呆。其中家燕姐分享第一次「幾乎失身」的經歷，聽到大家都心驚膽戰；不過鄧兆尊的第一次愛情故事更是耐人尋味。

同場加映：河國榮來港35年最愛香港人 面對逆境：一定有明天嘅！

{{hket:ul-video id="5501"}}{{/hket:ul-video}}

講你都唔信︳薛家燕自爆初夜經過肥媽話「激」 曾志偉「解凍」馮盈盈：冇人入雪櫃【下一頁】

{{hket:inline-image name="kj.JPG"}}{{/hket:inline-image}}

{{hket:inline-image name="kh.JPG"}}{{/hket:inline-image}}

{{hket:inline-image name="TANG1.jpg"}}{{/hket:inline-image}}

鄧兆尊提到自己剛由外國讀書返港，獲安排加入TVB拍戲做演員，每天由朝早六點工作至晚上十二點，忙個不停，沒有時間陪伴當時的女朋友，令她喋喋不休非常嘮叨。他笑言睇得武俠片多，以為手刀劈頸就可以扑暈人，「當時佢太嘈喺我耳邊好似烏蠅咁嗡嗡叫，我一手劈落去，唔小心劈到佢個頭，即刻有血流落嚟！」光用「手刀」就令對方流血？馮盈盈和一眾嘉賓都嘖嘖稱奇，不太相信，鄧兆尊續言：「我好驚就搵祥嫂幫手，因為佢有經驗吖嘛，（唔搵祥哥？）祥哥一向怕事唔理！最終祥嫂叫我返房休息，祥嫂車佢去醫院縫針。」

翌日下班回家，鄧兆尊被祥嫂召去酒樓見面，他一到步發現酒樓坐滿客人不太對勁，而且男人居多，全部人眼神都不太友善，他說：「入貴賓房見到我阿媽坐咗喺度，原來對方家長打畀我阿媽：『你個仔同我個女嘈交，但你個仔整到佢流晒血！』原來嚟講數喎，出面每邊有200幾人，仲有兩個武打明星，一個係陳惠敏、一個係大佬B（吳志雄），咁你大約知現場係咩類型嘅人啦！」

講你都唔信丨曾志偉變保守 錢嘉樂插嘴穿橋 網友斥節目炒冷飯：又悶又嘈【下一頁】

兆尊坦白非常害怕，沒想到事件會演變成如此，他應對方要求斟茶認錯，陳惠敏和大佬B亦好言相勸雙方和好，兆尊說：「認錯之後，祥嫂叫我哋兩個細路走先，事後嘅事我就唔清楚喇！我只知張單一定好貴，400幾人，我剩係見到啲餸就驚！」

雖然事件非常誇張，但由於家燕姐認識祥哥一家，所以都投下信任票，相信兆尊講的是事實；不過曾志偉就質疑為何沒有功夫底子的鄧兆尊竟然可以一手劈到女友流血，兆尊補充說：「仲要縫咗18針呀去廣華醫院！」就憑這一句，大家都相信兆尊的故事是真實的。問到兆尊事後如何繼續跟該女友相處？兆尊說：「事後都繼續一齊，（係咪一枱麻雀其中一隻腳？）係呀！」

眾人大感驚訝，家燕姐笑言：「兆尊好長情呀，唔係點會咁多個啫？因為個個都唔捨得！」連馮盈盈都笑言：「我明喇，原來係有原因所以要咁長情，放棄唔到嘅！」原來這位女友正是兆尊現任的三名女友中的其中一位，到底是大婆Carmen、阿二Cherry還是阿三陳小姐呢？不過，陳小姐近年才出現在兆尊身邊，所以他口中所講的應該是Carmen或Cherry。

{{hket:inline-image name="TANG2.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉