今晚有牌打│鄧兆尊頂替林文龍做主持打牌 爆被迫入行全因祥嫂恨做星媽

林文龍管理的AMM亞洲心動娛樂網台皇牌節目之一《今晚有牌打》，之前幾集無論是嘉賓還是話題都相當吸引，大受網友歡迎。第二季載譽回歸，不過林文龍就選擇退位讓賢，交由鄧兆尊夥拍達哥繼續主持，首集邀請到尹光和譚杏藍擔任嘉賓，尹光的歌曲無論是《荷里活》還是《少你阿爸》，只要一開口唱，譚杏藍都可以由頭背唱到尾，令尹光讚嘆不已！

《今晚有牌打》鄧兆尊風騷自認「時間管理」達人 前三奶Claire被foul有重大過犯?【下一頁】

{{hket:inline-image name="kllaf.jpg"}}{{/hket:inline-image}}

{{hket:inline-image name="kwong1.jpg"}}{{/hket:inline-image}}

在麻雀枱上，問到大家的相識經過，尹光表示跟鄧兆尊認識是因為他的爸爸祥哥新馬師曾，尹光直言視祥哥為偶像，「我記得有次唱曲，祥哥聽完拍手掌，讚我學佢嘅歌就啱。祥哥准我上佢屋企打麻雀，一星期上兩次，嗰時兆尊6至7歲，佢細個都唔算奀皮，而家兆尊大個咗，人人都識。」

提到入行經過，尹光表示爸爸是開戲院的，所以小時候耳濡目染喜歡唱曲，從來沒想過做另一行工作，整個人生都跟唱歌有關。至於鄧兆尊，早年加入無綫做藝員，為人熟悉的是《餐餐有宋家》的余天齊、《烈火雄心》的胡港基、《皆大歡喜》的高爾康等等，他表示：「我一早講過我係被迫入行，因為祥嫂（媽媽洪金梅）想做星媽，所以叫我入呢行。本身唔係諗住做呢行，點知做吓做吓做咗咁耐，（後悔入行？）呢樣嘢唔使我答，留畀光哥答，因為佢熟悉祥嫂可以答！」

（↓點擊圖片放大↓)

《今晚有牌打》林文龍被達哥彈IG悶蛋四宗罪 口窒窒忘記同郭可盈結婚紀念日【下一頁】

尹光笑斥兆尊將個波拋畀佢，笑笑口說：「祥嫂移咗民去咗上面，都唔怕講。唔知點樣形容祥嫂好，係惡定巴渣？是但一樣，我每一次上去祥哥度打牌，我唔驚祥哥，只係驚祥嫂！」

責任編輯：楊安莉