《芬蘭潮什麼》今晚首播｜梁芷珮靠一張機票玩足幾個國家 計劃好5月全家總動員出發去邊度？

「旅遊達人」梁芷珮（Christy）主持的《潮什麼》系列大受歡迎，為紓緩市民疫情期間「堆壓」多時的旅行慾，全新一輯一連六集的《芬蘭潮什麼》將於本周四（24日）晚首播。在新一輯內，Christy繼續帶觀眾眼睛去旅行，繼去年冰島之旅後再踏足芬蘭，只靠一張機票沿芬蘭出發，玩足幾個國家！

{{hket:inline-image name="01.jpg"}}{{/hket:inline-image}}

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

本輯節目第一站，Christy去到芬蘭北部的拉普蘭區，玩盡聖誕老人村並入住附近的酒店捕捉極光一刻；第二站會由芬蘭「行」去瑞典，全程竟然「快」到你唔信；第三站，Christy會坐豪華郵輪去愛沙尼亞，參觀世界文化遺產舊城區；最後一站則會返回芬蘭的周邊城市，體驗當地人熱愛的本地遊。

第一集Christy抵達芬蘭拉普蘭區的聖誕老人村，制定了為期「3日2夜」的懶人包，教觀眾如何盡情玩轉聖誕老人村及周邊配套。Christy開心Share主題公園Santa Park至潮至好玩指南，去到聖誕老人辦公室「打卡」；在主題公園中可近距離接觸聖誕老人，更能隨意對話，聖誕老人會盡力回答所有問題，有趣與搞怪程度令Christy大為驚喜。之後她入住附近「平靚正」的極光酒店，在攝氏零下10度的氣溫下，穿上重裝備浸在冰水上等待極光；久違了的體驗，Christy頻呼非常過癮。

{{hket:inline-image name="09.jpg"}}{{/hket:inline-image}}

而第二集重點內容，則在充滿治癒感的小動物上。Christy做狗義工照顧可愛又溫順的Husky外，鏡頭一轉，她大玩聞所未聞的「動物版密室逃脫」，在不斷解謎的同時，享受被眾多小動物包圍的滋味。另外Christy亦去到芬蘭、瑞典的交界，示範如何以「一步之遙」由一個國家踏足另一個國家，啱晒鍾意「快」嘅香港人！

《潮什麼》系列加上最新的《芬蘭潮什麼》，共有九輯，自2017年起的《美國潮什麼》到2021年的《冰島潮什麼》，每輯節目有10至20集，點解今次《芬蘭潮什麼》得6集咁少？《晴報》聯絡Christy，她表示自己絕無偷懶，濃縮成6集嘅內容一樣咁豐富。Christy又指5月出發去非洲拍新一輯《潮什麼》，今次仲會帶埋仔女去。「而家忙住準備去非洲嘅嘢，要打針等等，明天就去打第三針。我哋都好期待去非洲，點解帶埋小朋友去？因為覺得去非洲好難得，想帶埋小朋友去見識一下。 」

問到昨日Christy老公與張志明（前TVB非戲劇節目監製及經理）見面，對方而家喺開電視發展，Christy澄清兩人只係咁啱撞到，並不是有其他合作，「我老公係咖啡店撞到B哥，真係咁啱撞到。其實我哋同佢都係好好朋友，雖然而家再冇合作，但疫情爆發前都有約出嚟食飯。」

梁芷珮與丈夫北京捱凍過情人節 早餐收玫瑰花點知真相係...【下一頁】

撰文：林惠珊